پشاور: پیپلز پارٹی کے چیئرمین بلاول بھٹو زرداری نے کہا ہے کہ کل جس نے بھٹوکی بیٹی پر مقدمات بنائے خود اس اس کی بیٹی کے ساتھ بھی وہی کچھ ہوا’ میں مخالفوں کی بیٹیو ں کو جیلوں میں نہیں ڈالوں گا’ آج جو کچھ آپ کر رہے ہیں کل وہی آپ کے ساتھ ہوگا۔
پشاور حیات آباد میں پیپلز پارٹی کے انتخابی جلسے سے خطاب کرتے ہوئے انہوں نے کہا کہ یہ واحد جماعت ہے جو غریبوں، پسماندہ طبقے کی جماعت ہے، ہم ایسے مفت اور معیاری ہسپتال بنائیں گے جہاں پیسے کی کوئی پریشانی نہیں ہوگی، تمام بیماریوں کا مفت علاج علاج ہوگا اور یہ کام میں نے سندھ میں دکھایا ہے جہاں دوا، چیک اپ، علاج اور ٹیسٹ سب مفت ہیں۔
انہوں نے کہا کہ وہ چاہتے ہیں کہ کوئی بھوکا نہ رہے اس لیے یوسی کی سطح پر بھوک مٹا پروگرام شروع کیا جائے گا۔
بلاول بھٹو نے کہا کہ انہیں پیپلز پارٹی کے شرپسندوں کی وجہ سے الیکشن لڑنا پڑ رہا ہے۔انہوں نے کہا کہ میں نفرت، تقسیم اور انتقام کی سیاست نہیں کروں گا، سیاسی مخالفین کی بیٹیوں اور بہنوں کو گرفتار کر کے جیلوں میں نہیں ڈالوں گا، سیاسی مخالفین سن لیں، آج جو کچھ آپ کر رہے ہیں کل آپ کے ساتھ ہو گا، بے نظیر۔ بھٹو اور آصف زرداری پر جھوٹے مقدمات بنائے گئے، کارکنوں پر تشدد کیا گیا، عورت کی حکمرانی کو ناقابل قبول کہا گیا، پھر انہوں نے اپنی آنکھوں سے دیکھا کہ ان کے ساتھ وہی ہوا، جنہوں نے بھٹو کی بیٹی پر ظلم کیا۔
بلاول نے کہا کہ ہم نے خان صاحب کو بھی کہا تھا کہ انتقام کی سیاست نہ کریں اور ہر ایک پر چور ہونے کا الزام نہ لگائیں اور آج خود عمران خان پر چور ہونے کا الزام لگاہے’ وہ خود جیل میں ہیں، کہتے تھے کہ کسی کو این آر او نہیں دوں گا، آج کہتا ہے کہ کسی سے بات کرنے کو تیار ہوں۔ انہوں نے سرپرائز کہہ کر اپنی ہی حکومت ختم کر دی، خان صاحب آپ کو سرپرائز کیسا لگا؟
چیئرمین پیپلز پارٹی کا کہنا تھا کہ پی ٹی آئی کو جیل میں ہی احساس ہو گیا ہوگا کہ حکومت ایسے نہیں چلتی، لیکن ہم واحد جماعت ہیں جو سب کو ساتھ لے کر چلیں گے، نفرت اور تقسیم کی سیاست کا خاتمہ کریں گے تاکہ لوگوں کے مسائل حل ہوں۔انہوں نے کہا کہ ایک جماعت کہتی ہے کہ وہ اپنی کارکردگی پر الیکشن لڑ رہی ہے جبکہ وہ ہماری کارکردگی پر الیکشن لڑنا چاہتی ہے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی