پوری قوم سے استدعا ہے کہ صبر و تحمل سے کام لیں’بیرسٹر گوہر

اسلام آباد: چیئرمین پاکستان تحریک انصاف بیرسٹر گوہر علی خان کا کہنا ہے کہ سزائے موت دی جاتی تو ہم تیار تھے، ہمارے کارکن پرامن ہیں۔
اسلام آباد ہائی کورٹ کے باہر میڈیا سے بات کرتے ہوئے بیرسٹر گوہر علی خان کا کہنا تھا کہ پوری قوم سے استدعا ہے کہ صبر و تحمل سے کام لیں، اگر سزائے موت بھی سنا دیں تو ہائی کورٹ اسے ختم کر دے گی۔
چیئرمین پی ٹی آئی کا کہنا تھا کہ جج صاحب سائفر کیس آئین اور قانون سے ہٹ کر چل رہے ہیں، کارکن صبر کا مظاہرہ کریں کیونکہ یہ اشتعال دلائیں گے لیکن مشتعل نہیں ہونا، الیکشن پر توجہ دیں، عدلیہ پر اعتماد ہے ریلیف ملے گا۔ سزائے موت دی بھی جائے تو کالعدم ہو جائے گی، عمران خان فرسٹریٹ ہیں نہ غصے میں۔
بیرسٹر گوہر علی خان نے کہا کہ اب فائنل 8 فروری کو ہونے والے الیکشن کی تیاری کریں، لو گعمران خان کو مٹا رہے ہیں لیکن اللہ اپنی رحمت اور عوام کے تعاون سے نہیں مٹنے دے گا۔
چیئرمین پی ٹی آئی کا کہنا تھا کہ سزا کے فیصلے کے خلاف اسلام آباد ہائی کورٹ میں درخواست دائر کریں گے، سزا کے خلاف پرامن احتجاج بھی کیا جائے گا۔