راولپنڈی: عمران خان کے وکیل اور پی ٹی آئی رہنما بیرسٹر گوہر نے کہا ہے کہ آج کا فیصلہ عمران خان کے کردار کو داغدار کرنے کی کوشش ہے، بشری بی بی کی بنی گالہ سے اڈیالہ جیل منتقلی کے لئے ہائیکورٹ میں درخواست دیں گے۔
عدت کیس میں عمران خان اور بشری بی بی کو سزا سنائے جانے کے بعد اڈیالہ جیل میں صحافیوں سے گفتگو کرتے ہوئے ان کا کہنا تھا کہ فیصلہ آج ایک بجے سنایا جانا تھا تاہم فیصلہ ساڑھے تین بجے سنایا گیا۔ جوتوقع تھی وہی ہوا’ غیراخلاقی قسم کے الزامات لگائے گئے اور ایک بے ہودہ کیس میں7 سال قید دی گئی۔
انہوں نے کہا کہ میں نے جج سے کہا کہ میں نے آپ کے لیے قربانی دی ہے، وہ آپ سے مایوس ہیں۔ یہ ایک ایسا معاملہ ہے جس کا نہ سر ہے اور نہ ٹانگیں۔ یہ کیس عون چوہد ری کی خواہش پر بنایاگیا’ مولوی کا فتوی ہے کہ عدت پوری ہوجاتی ہے جب خاتون کہے’ دو دن میں 14، 14 گھنٹے سماعت کر کے کیس مکمل کر لیا اور ہمیں ثبوت پیش کرنے کا موقع نہیں دیا گیا۔
بیرسٹر گوہر نے کہنا تھا کہ زبانی فیصلہ دیا گیا اورکاپی نہیں دی گئی، یہ سب سیاسی مقاصد کے لیے کیا جا رہا ہے، یہ سب عمران خان کے کردار پر کیچڑ اچھالنے کی کوشش ہے، عمران خان نے کہا ہے کہ نیب کا پہلا کیس بھی توشہ خانہ میں تھا۔ ہمیں سزا ملی یعنی جس کی حکومت سازش کے ذریعے گرائی گئی اس کے خلاف مقدمات چل رہے ہیں۔
انہوں نے کہا کہ پاکستان کی تاریخ میں صرف پی ٹی آئی کے انٹرا پارٹی انتخابات کو چیلنج کیا گیا۔ پاکستان کی تاریخ میں انتخابی نشان ہماری پارٹی سے لیا گیا۔ ہم انصاف کے لیے ہائی کورٹ جائیں گے، ہمیں انصاف ملنے کی امید ہے۔
ان کا کہنا تھا کہ جج کے پاس ججمنٹ نہیں تھی’ ملزمان کے پاس سپریم کورٹ کے فیصلے کی اسٹیڈنگ ہے وہ اس کیس میں لاگونہیں ہوتی’ ہم نے کہا تھا کہ یکم جنوری کو نکاح ہوا اور ایک تقریب میں دعا کے لئے فنکشن کیا ہے ۔ جج نے کہا کہ نکاح نامہ بھی ایکہے، پہلے نکاح نامہ کو مسترد کرتا ہوں اور دوسرے کو جائز سمجھتا ہوں’ تیزی کے ساتھ سزا سنائی گئی اور زیادہ سے زیادہ سنائی گئی ۔
انہوں نے کہا کہ ہم اپنے گواہ کا نام نہیں بتا سکتے، ہم نے جج سے کہا کہ گھر کا کوئی اور بندہ لے آئیں، اب عمران خان اور بشری بی بی کو نکاح کرنے کی ضرورت نہیں ہے عدالت نے دوسرے نکاح کو جائز قرار دے دیا ہے۔
انہوں نے کہا کہ اب ہم بشری بی بی کو بنی گالہ سے واپس اڈیالہ جیل لانے کے لیے درخواست دیں گے، بہت جلد ہائی کورٹ میں درخواست دیں گے، چھٹیاں نہ ہوئیں تو آج ہی درخواست دیں گے کیونکہ بشری بی بی کسی ڈیل کے تحت بنی گالہ نہیں گئیں ۔
ان کا مزید کہنا تھا کہ عمران خان نے کہا ہے کہ یہاں ہزار سال بھی رہنا پڑے تو رہوں گا، عوام پرامن رہیں اور 8 فروری کو باہر نکلیں۔
ہفتہ, ستمبر 7
تازہ ترین
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی
- کراچی: رانگ وے سے آنیوالی پولیس موبائل کی ٹکر سے بچہ زخمی ہوگیا
- حکومت کا بلوچستان میں پاک فوج کو خصوصی اختیارات دینے کا فیصلہ
- فیض حمید نے مخصوص سیاسی عناصر کے ایما پر حدود سے تجاوز کیا: ڈی جی آئی ایس پی آر
- اسحاق ڈار لندن پہنچ گئے، برطانوی سیکرٹری خارجہ سے ملاقات،علاقائی امور پر گفتگو
- بیرون ملک جیلوں میں قید پاکستانیوں کی تفصیلات موصول ہو گئیں
- حکومت اور بی این پی سربراہ اختر مینگل کے درمیان مذاکرات کا پہلا دور ناکام
- یو اے ای میں غیر قانونی طور پر مقیم افراد کیلئے ویزا ایمنسٹی اسکیم کا آغاز
- سندھ حکومت کا اسسٹنٹ کمشنرز کیلئے درجنوں مہنگی ڈبل کیبن گاڑیاں خریدنے کا فیصلہ
- اسلحہ و شراب برآمدگی کیس: علی امین گنڈا پور کے ناقابل ضمانت وارنٹ گرفتاری
- چینی وزیراعظم اگلے ماہ پاکستان کا 3 روزہ دورہ کریں گے