راولپنڈی/مظفرآباد: چیف آف آرمی اسٹاف جنرل سید عاصم منیر نے کہا ہے کہ اپنے شہریوں کے تحفظ کو یقینی بنائیں گے، پاکستان کی خودمختاری کی خلاف ورزی اور کسی بھی قسم جارحیت کا جواب مضبوط قومی عزم اور فوجی طاقت سے دیا جائے گا۔
تفصیلات کے مطابق وزیراعظم پاکستان، وزیراعظم آزاد جموں و کشمیر اور آرمی چیف جنرل سید عاصم منیر نے مظفر آباد کا دورہ کیا، اس کے علاوہ آرمی چیف نے ساریان سیکٹر میں لائن آف کنٹرول (ایل او سی) پر اگلے مورچوں کا دورہ کیا۔ جہاں انہوں نے جوانوں سے ملاقاتیں بھی کیں۔
اس موقع پر آرمی چیف کو لائن آف کنٹرول کی صورتحال پر بریفنگ دی گئی۔ جس پر انہوں نے فوجیوں کی آپریشنل تیاریوں، بلند حوصلے اور موثر ردعمل کی تعریف کی۔آرمی چیف اور پاکستان اور آزاد کشمیر کے وزرائے اعظم نے مظفر آباد میں یادگار شہدا پر حاضری دی اور پھولوں کی چادر چڑھائی۔ اس موقع پر انہوں نے شہدا کی عظیم قربانیوں کو خراج تحسین پیش کیا۔
اعلامیہ کے مطابق آزاد جموں و کشمیر میں بھارتی قابض افواج کے ظلم و بربریت کے سامنے کشمیریوں کا استقامت غیر متزلزل ایمان مثالی ہے۔llojk میں پیدا ہونے والے انسانی اور سلامتی کے بحران سے علاقائی امن اور استحکام کو شدید خطرات لاحق ہیں۔
اس موقع پر وزیراعظم اور آرمی چیف نے اس عزم کا اظہار کیا کہ پاکستان اقوام متحدہ کی سلامتی کونسل کی قراردادوں کی روشنی میں حق خود ارادیت کی منصفانہ جدوجہد میں کشمیریوں کے ساتھ ہمیشہ کھڑا رہے گا۔
آرمی چیف نے کہا کہ بھارت غیر قانونی انتظامی اور یکطرفہ طور پر سخت قوانین نافذ کرکے مقبوضہ کشمیر کی آبادی کو تبدیل کرنے کی کوشش کر رہا ہے’ اس طرح کی سازشیں کشمیری عوام کے اپنے جائز مقاصد کے حصول کی خواہش اور حق خود ارادیت کی تڑپ کودبا نہیں سکتیں۔
آرمی چیف نے کہا کہ کسی بھی جارحیت یا علاقائی خودمختاری کی خلاف ورزی کا مضبوط قومی عزم اور فوجی طاقت سے مقابلہ کیا جائے گا۔ "پاک فوج خطرات کے مکمل اسپیکٹرم سے بخوبی آگاہ ہے اور موثر جواب دینے کے لیے ہمیشہ تیار ہے۔
آئی ایس پی آر کے مطابق آرمی چیف نے پاکستان میں بھارتی ریاستی سرپرستی میں ہونے والی دہشت گردی کا بھی ذکر کیا جس نے اب ہماری سرزمین پر انفرادی پاکستانی شہریوں کو نشانہ بنایا ہے، جس سے اس کی جعلی اسناد بے نقاب ہو رہی ہیں۔آرمی چیف نے کہا کہ پاکستان ایسی تمام کوششوں کو بے نقاب کرتا رہے گا۔ انہوں نے کہا کہ وہ اپنے شہریوں کے تحفظ کو یقینی بنائیں گے۔قبل ازیں آرمی چیف کی آمد پر کور کمانڈر راولپنڈی نے ان کا استقبال کیا۔
ہفتہ, فروری 15
تازہ ترین
- چین، افریقہ جدیدیت کے راستے پر حقیقی دوست
- چین-امریکہ کی وضاحت کرنے کے لیے باہمی فائدے کی طرف سے تعلقات، جیت تعاون
- 90 فیصد سے زیادہ بین الاقوامی جواب دہندگان چینی معیشت کے بارے میں پر امید ہیں: چین کی بین الاقوامی امیج پر سروے
- چین میں جاپانی اشیائے صرف کی ترقی کی کہانی
- چین مختلف ثقافتوں کے درمیان باہمی سیکھنے کو فروغ دیتا رہے گا۔
- چین تمام ممالک کے ساتھ مل کر بنی نوع انسان کے مشترکہ مستقبل کے ساتھ کمیونٹی کی تعمیر کرے گا۔
- چین تمام اقوام کے درمیان دوستی، تعاون اور ہم آہنگی کو فروغ دیتا رہے گا۔
- چین اعلیٰ معیار کی مصنوعات کی درآمدات کو بڑھانے کے لیے محصولات کو ایڈجسٹ کرتا ہے۔
- چینی جدیدیت کی پیروی میں وسیع تر امکانات کو اپنانا
- چین، امریکہ کو دنیا میں مزید یقین اور مثبت توانائی ڈالنی چاہیے۔
- مخالفین پر چور ڈاکو کے الزام لگانے والے احتساب سے بھاگ رہے ہیں: عظمیٰ بخاری
- پاکستان اور سعودیہ میں حج معاہدہ طے، عازمین کو بہترین سہولیات فراہم کرنے پر اتفاق