غزہ جانے والے انسانی امدادی ٹرکوں پر انتہا پسند اسرائیلیوں کا حملہ

انتہا پسند اسرائیلیوں نے غزہ جانے والے انسانی امدادی ٹرکوں پر حملہ کیا۔
انتہا پسند یہودی آباد کاروں نے کرم ابو سالم بارڈر کراسنگ کو بند کر کے انسانی امداد کو غزہ میں داخل ہونے سے روک دیا۔
غیر ملکی میڈیا رپورٹس کے مطابق غزہ پر اسرائیلی فوجیوں اور اسرائیلی آباد کاروں کی جارحیت کا سلسلہ جاری ہے۔
رپورٹ میں بتایا گیا کہ اسرائیلی آباد کاروں نے کرم ابو سالم سے غزہ جانے والی امداد پر حملہ کیا، سینکڑوں آباد کاروں نے امدادی ٹرکوں پر حملہ کرکے انہیں غزہ جانے سے روک دیا۔اقوام متحدہ کے مطابق غزہ کے لاکھوں فلسطینی بدترین قحط کے دہانے پر پہنچ گئے ہیں۔
واضح رہے کہ غزہ پر اسرائیلی فوج کی شدید بمباری سے 24 گھنٹوں میں 110 سے زائد فلسطینی شہید ہوچکے ہیں۔
غزہ میں 7 اکتوبر سے جاری اسرائیلی بربریت کے نتیجے میں اب تک 27 ہزار سے زائد فلسطینی شہید اور 65 ہزار سے زائد زخمی ہو چکے ہیں۔
اقوام متحدہ کے مطابق اسرائیلی حملوں کے باعث غزہ ناقابل رہائش ہو گیا ہے اور غزہ کی 80 فیصد سے زائد آبادی بے گھر ہو چکی ہے۔