راولپنڈی: پی ٹی آئی کے بانی عمران خان نے اپنے وکلا کے ذریعے پیغام دیا ہے کہ وفاق پنجاب اور خیبرپختونخوا میں حکومت بنائے گی۔ قوم کے ساتھ جو ہو رہا ہے اس سے زیادہ نہیں ہونا چاہیے’ جن حلقوں میں نتائج تبدیل کئے گئے ان کے امیدوار کل باہر نکلیں اور پرامن احتجاج کریں۔
عمران خان سے ان کے وکلا عمیر نیازی ایڈووکیٹ اور بیرسٹر سلمان صفدر نے جیل میں ملاقات کی۔ ملاقات کے بعد ایڈووکیٹ عمیر نیازی نے میڈیا سے گفتگو کرتے ہوئے کہا کہ بانی پی ٹی آئی نے انتخابی نتائج پر قوم کو مبارکباد دی ہے اور کہا ہے کہ قوم نظریے اور جمہوریت کے ساتھ کھڑی ہے، 1970 میں جس طرح لوگوں نے ووٹ ڈالے اس سے زیادہ لوگ باہر آئے ہیں۔
وکلا کے مطابق عمران خان نے پیغام دیا ہے کہ وفاق، پنجاب اور کے پی کے میں پی ٹی آئی حکومت بنائے گی۔ بانی پی ٹی آئی نے ملک کے سب بڑے ادارے سے اپیل کی ہے کہ قوم کے ساتھ جوہو رہا ہے اس سے زیادہ نہیں ہونا چاہیے’جن حلقوں کے نتائج تبدیل ہوئے ان کے امیدوار کل باہر نکلیں اور پرامن احتجاج کریں کیونکہ جمہوری عمل میں ووٹ کی عزت ہوتی ہے، ووٹ چوری ہو تو احتجاج کریں۔
وکلا کے مطابق عمران خان نے کہا ہے کہ ہماری معیشت تباہ ہو چکی ہے، سیاسی عدم استحکام نہیں ہونا چاہیے، پاکستان کو ڈیڈ اینڈ کی طرف نہ لے جایا جائے، پری پول دھاندلی اور اداروں کو استعمال کیا گیا، ادارے کمزور ہو چکے ہیں، نواز شریف نے ہمیشہ حکومت کو بینک کرپٹ کیا’ مکس اچار سے حکومت نہ بنانے دیں، 50 سیٹوں والا کیسے فتح کا اعلان کر سکتا ہے؟ پی ٹی آئی کے مینڈیٹ کا احترام کیا جائے۔
اجلاس میں شریک بیرسٹر سلمان صفدر کا کہنا تھا کہ 190 ملین پانڈ سکینڈل میں لیگل ٹیم کو داخلے کی اجازت نہیں دی گئی، نیب کورٹ کا عملہ، تفتیشی ٹیم اور پراسیکیوٹرز جیل کے اندر گے، تاہم پی ٹی آئی کے بانی پی ٹی آئی وکلا کو داخل ہونے کی اجازت نہیں ہے۔بشری بی بی کو عدالت میں پیش نہیں کیا گیا، جیل میں تمام سہولیات کے باوجود بشری بی بی کو بنی گالہمیں رکھا گیا، وکلا 3 گھنٹے تک کھڑے رہے، درخواست کے باوجود قانونی ٹیم داخل نہ ہوسکی۔
سلمان صفدر نے کہا کہ پی ٹی آئی کے بانی بالکل فریش تھے ‘باہر کیا ہو رہا ہے ‘انہوں نے الیکشن کے حوالے سے بہت تفصیلی ہدایات دیں، پی ٹی آئی کے بانی کا کیس 16 ماہ سے چل رہا ہے، پی ٹی آئی کے بانی ہر جرم کے ٹرائل کا سامنا کر رہے ہیں۔
بیرسٹر سلمان صفدر نے مزید کہا کہ پی ٹی آئی کے بانی نے بشری بی بی کو بنی گالہ میں رکھنے پر اعتراض کیا ہے، پی ٹی آئی بانی نے اپیل کی ہے کہ بشری بی بی کو جیل منتقل کیا جائے۔
ہفتہ, جولائی 27
تازہ ترین
- پاکستان نے بھارتی وزیراعظم کے جنگجویانہ بیان کو مسترد کردیا
- عمران اور بشری بی بی کے وکلا کی عدم موجودگی، 190 ملین پاونڈ ریفرنس کی سماعت ملتوی
- باراک اوباما نے کملا ہیرس کی حمایت کا اعلان کردیا
- ویمنز ایشیا کپ: سری لنکا نے پاکستان کو شکست دیکر فائنل کیلئے کوالیفائی کرلیا
- تحریک انصاف نے مخصوص نشستوں کیلئے فہرستیں الیکشن کمیشن میں جمع کرا دیں
- نئے مالی سال کے مسلسل چوتھے ہفتے بھی مہنگائی میں اضافہ
- متھیرا نے خلیل الرحمان قمر کو رات میں ملاقاتیں نہ کرنے کا مشورہ دے دیا
- صدر آصف زرداری نے سپریم کورٹ میں ایڈہاک ججز کی تعیناتی کی منظوری دے دی
- عمان کے فاسٹ بولر نے شاہین آفریدی کا ورلڈ ریکارڈ توڑ ڈالا
- نیلی اور طاہر انجم کا واقعہ پری پلانڈ تھا، پولیس نے تشدد کے واقعے کا بھانڈا پھوڑ دیا
- سکیورٹی فورسز کی کارروائی، خوارجی دہشتگرد گل بہادر کا قریبی ساتھی جہنم واصل
- حکومت کی جماعت اسلامی کو مذاکرات کی پیشکش