پاکستان تحریک انصاف (پی ٹی آئی) نے وفاق اور پنجاب میں مجلس وحدت مسلمین (ایم ڈبلیو ایم) کے ساتھ مل کر حکومت بنانے کا فیصلہ کیا ہے۔
ترجمان پی ٹی آئی رؤف حسن نے پریس کانفرنس کرتے ہوئے کہا ہے کہ پی ٹی آئی کے بانی کا پیغام ہے کہ جو بھی الیکشن جیتے اسے حکومت بنانے دی جائے، کے پی کے میں علی امین گنڈا پور حکومت بنائیں گے۔
رؤف حسن نے کہا کہ پی ٹی آئی کے بانی نے کہا کہ انٹرا پارٹی الیکشن جلد سے جلد کرائے جائیں، ہم کے پی میں حکومت بنانے جا رہے ہیں، وفاق اور پنجاب میں ایم ڈبلیو ایم سے اتحاد کریں گے۔
رؤف حسن کے مطابق خیبرپختونخوا میں حکومت جماعت اسلامی کے ساتھ مل کر بنے گی۔دوسری جانب تحریک انصاف نے حکومت سازی کے لیے جماعت اسلامی سے رابطہ کیا ہے۔
ذرائع کے مطابق پی ٹی آئی رہنما بیرسٹر گوہر، سینٹر اعظم خان سواتی اور علی امین گنڈا پور نے لیاقت بلوچ سے رابطہ کیا۔
لیاقت بلوچ نے کہا کہ خیبرپختونخوا میں حکومت سازی کے حوالے سے بات ہوئی، پی ٹی آئی نے مثبت جواب دیا ہے، اب یہ پی ٹی آئی قیادت کا کام ہے کہ وہ کس سمت جائیں گے۔انہوں نے کہا کہ حکومت سازی کے حوالے سے کوئی حتمی فیصلہ نہیں ہوا، پی ٹی آئی سے تین روز سے رابطے جاری ہیں۔
واضح رہے کہ قومی اسمبلی کی 265 میں سے 264 نشستوں کے نتائج کے مطابق آزاد امیدواروں نے 101 نشستوں پر کامیابی حاصل کی ہے، جس میں پی ٹی آئی کے حمایت یافتہ امیدواروں کی تعداد 92، مسلم لیگ (ن) 79 نشستوں پر کامیاب قرار پائی ہے۔ پیپلز پارٹی نے 54 نشستیں حاصل کیں۔
الیکشن کمیشن نے پنجاب صوبائی اسمبلی کے تمام 296 حلقوں کے نتائج بھی جاری کر دیے جب کہ ایک نشست پر انتخاب نہیں ہوا۔
الیکشن کمیشن کے مطابق پنجاب کی صوبائی اسمبلی میں 138 آزاد امیدوار کامیاب ہوئے، جن میں پاکستان تحریک انصاف کے حمایت یافتہ 116، مسلم لیگ (ن) کے 137، پیپلز پارٹی کے 10، پاکستان مسلم لیگ (ق) کے 8، جبکہ 8 آزاد امیدوار کامیاب ہوئے۔ صولت پاکستان پارٹی، پاکستان مسلم لیگ ضیا اور تحریک لبیک 1 ایک نشست پر کامیاب قرار پائے۔
الیکشن کمیشن نے خیبرپختونخوا کے 112 اسمبلی انتخابات کے نتائج جاری کر دیے ہیں، ایک کو روک دیا گیا ہے اور 2 کو ملتوی کر دیا گیا ہے۔
جاری نتائج کے مطابق خیبرپختونخوا اسمبلی کی نشستوں کے لیے 90 آزاد امیدوار کامیاب ہوئے، جن میں پاکستان تحریک انصاف نے 83، جمعیت علمائے اسلام پاکستان نے 7، پاکستان مسلم لیگ (ن) نے 5 اور پاکستان پیپلز پارٹی نے 4 نشستوں پر کامیابی حاصل کی۔ .
ہفتہ, اپریل 19
تازہ ترین
- قومی معاملات پر اتفاق رائے ناگزیر ہے، ملکی مفادات کیلیے اجتماعی فیصلے کیے جائیں، بلاول بھٹو
- وزیراعلیٰ مریم نواز کا جناح اسپتال کا اچانک دورہ، پرنسپل اور ایم ایس معطل
- چین کا آبادیاتی سنگم: کیا اعلیٰ معیار کی ترقی عمر رسیدہ آبادی کو پورا کر سکتی ہے؟
- چین کا اے آئی ایسنٹ: یوزر مومینٹم ایندھن کی جدت
- اے آئی ٹیکنالوجی چین میں سرکاری خدمات کی کارکردگی کو بڑھاتی ہے۔
- چین کے دو سیشن: عوامی آواز اور پالیسی ایکشن کو پورا کرنا
- چین عالمی سبز تبدیلی کو آگے بڑھانے کے لیے ‘تکنیکی شمولیت’ کو فروغ دیتا ہے۔
- پانچ فیصد جی ڈی پی گروتھ کا ہدف چین کے حقیقی حالات کے مطابق ہے۔
- چینی جدیدیت: عالمی ترقی کے لیے بلیو پرنٹ
- اعلیٰ معیار کا بیلٹ اینڈ روڈ تعاون عالمی ترقی کے مواقع پیدا کرتا ہے۔
- چین عالمی استحکام کو ‘قابل کنندہ’ کی شکل دیتا ہے
- ایرانی جوہری مسئلے کے حل کے لیے بات چیت اور مذاکرات ہی قابل عمل آپشن ہیں۔