لاہور: مسلم لیگ (ن) کے صدر و سابق وزیراعظم شہباز شریف نے کہا ہے کہ جن کا ایجنڈا انتشار کا تھا وہ آج بھی وہی کر رہے ہیں جب کہ نواز شریف صرف عوام کے مفاد کا سوچ رہے ہیں۔
تفصیلات کے مطابق مسلم لیگ (ن) کے صدر اور 6 سیاسی جماعتوں کے وزارت عظمی کے مشترکہ امیدوار شہباز شریف سے قوم اسمبلی کے نومنتخب ایک ‘ پنجاب اسمبلی کی3 اور خیبر پختونخوااسمبلی کے دو امیدواروں نے ملاقات کرکے ن لیگ میں شمولیت کا اعلان کیا۔
قومی اسمبلی کے حلقہ این اے 92 بھکر سے آزاد حیثیت میں الیکشن جیتنے والے راشد اکبر نوانی، پی پی 90 بھکر سے احمد نواز نوانی، پی پی 92 اور 93 بھکر سے کامیاب ہونے والے عامر عنایت شاہانی نے شہباز شریف سے ملاقات کے بعد مسلم لیگ ن میں شمولیت اختیار کر نے کا اعلان کیا۔
اس کے علاوہ پی کے 106 سے ہشام انعام اللہ خان اور پی کے 82 سے ملک طارق اعوان نے بھی مسلم لیگ (ن) میں شمولیت کا اعلان کیا۔
آزاد ارکان نے نواز شریف کی قیادت پر اعتماد کا اظہار کرتے ہوئے امید ظاہر کی کہ مسلم لیگ ہی ملک کو مسائل سے نکال سکتی ہے۔
شہباز شریف نے مسلم لیگ ن میں شمولیت پر ارکان کو خوش آمدید کہا اور کہا کہ ملک میں سیاسی عدم استحکام کسی کے مفاد میں نہیں، معاشی خطرات تقاضا کرتے ہیں کہ سب مل کر پاکستان کے لیے کام کریں۔
سابق وزیراعظم نے کہا کہ جن کا ایجنڈا انتشار ہے وہ آج بھی انتشار پھیلا رہے ہیں جب کہ نواز شریف ہمیشہ اپنی ذات اور سیاست کا نہیں پاکستان اور عوام کے مفاد کا سوچتے ہیں۔ انہوں نے کہا کہ وہ خیبرپختونخوا کی ترقی چاہتے ہیں کیونکہ دہشت گردی پر قابو پا کر صوبے کی ترقی کو یقینی بنایا جا سکتا ہے۔
ہفتہ, جولائی 27
تازہ ترین
- پاکستان نے بھارتی وزیراعظم کے جنگجویانہ بیان کو مسترد کردیا
- عمران اور بشری بی بی کے وکلا کی عدم موجودگی، 190 ملین پاونڈ ریفرنس کی سماعت ملتوی
- باراک اوباما نے کملا ہیرس کی حمایت کا اعلان کردیا
- ویمنز ایشیا کپ: سری لنکا نے پاکستان کو شکست دیکر فائنل کیلئے کوالیفائی کرلیا
- تحریک انصاف نے مخصوص نشستوں کیلئے فہرستیں الیکشن کمیشن میں جمع کرا دیں
- نئے مالی سال کے مسلسل چوتھے ہفتے بھی مہنگائی میں اضافہ
- متھیرا نے خلیل الرحمان قمر کو رات میں ملاقاتیں نہ کرنے کا مشورہ دے دیا
- صدر آصف زرداری نے سپریم کورٹ میں ایڈہاک ججز کی تعیناتی کی منظوری دے دی
- عمان کے فاسٹ بولر نے شاہین آفریدی کا ورلڈ ریکارڈ توڑ ڈالا
- نیلی اور طاہر انجم کا واقعہ پری پلانڈ تھا، پولیس نے تشدد کے واقعے کا بھانڈا پھوڑ دیا
- سکیورٹی فورسز کی کارروائی، خوارجی دہشتگرد گل بہادر کا قریبی ساتھی جہنم واصل
- حکومت کی جماعت اسلامی کو مذاکرات کی پیشکش