پرامن احتجاج بنیادی حق ,لیکن کسی کو بدامنی پھیلانے کی اجازت نہیں ، نگراں وزیراعظم

نگراں وزیراعظم انوارالحق کاکڑ نے ملک میں حالیہ عام انتخابات کو جمہوریت کے فروغ کی جانب ایک قدم قرار دیتے ہوئے کہا ہے کہ انتخابی بے ضابطگیوں سے متعلق کسی بھی قسم کے خدشات کے لیے دستیاب قانونی ذرائع سے کام لیا جائے۔
انوار الحق کاکڑ نے کہا کہ ملک میں حالیہ عام انتخابات جمہوریت کے فروغ کی جانب ایک قدم ہیں اور معاشرے کے تمام طبقات کی جانب سے نمایاں ٹرن آؤٹ ہے۔
انہوں نے کہا کہ انتخابات کے بعد یہ ضروری ہے کہ تمام اسٹیک ہولڈرز کو یہ احساس ہو کہ جیت اور ہار جمہوری عمل کے بنیادی پہلو ہیں اور ان جماعتوں اور افراد کی حوصلہ افزائی کریں جنہوں نے انتخابی بے ضابطگیوں کے حوالے سے کسی قسم کے خدشات کا اظہار کیا۔ ان سے توقع کی جاتی ہے کہ وہ دستیاب چینلز کے ذریعے قانونی کارروائی اختیار کریں گے۔
انہوں نے کہا کہ پاکستان کے قانون سازی، عدالتی اور انتظامی شعبے سب کو غیر جانبدارانہ انصاف فراہم کرنے کے لیے پرعزم اور تیار ہیں۔
نگراں وزیر اعظم نے کہا کہ پرامن احتجاج اور جلسہ بنیادی حق ہے لیکن کسی کو بدامنی پھیلانے کی اجازت نہیں دی جائے گی اور قانون بلاتفریق اپنے راستے پر چلے گا۔ انہوں نے کہا کہ اس نازک وقت میں افراتفری کو برداشت نہیں کیا جائے گا، یہ صرف ملکی اور غیر ملکی دشمن قوتوں کے ایجنڈے کو آگے بڑھانے، استحصال اور امن و امان کو سنگین چیلنجز پیدا کرنے کا کام کرتا ہے۔
انوار الحق کاکڑ نے کہا کہ نگران حکومت صبر و تحمل کی درخواست کرتی ہے ‘سیاسی جماعتیں وفاقی اور صوبائی دونوں سطحوں پر جمہوری روایات اور اصولوں کے مطابق حکومت سازی کے لیے مشاورت میں مصروف ہیں۔
انہوں نے کہا کہ ہمیں امید ہے کہ یہ عمل باہمی افہام و تفہیم اور احترام کے ساتھ جلد از جلد پایہ تکمیل کو پہنچے گا۔