مسلم لیگ ن کی جانب سے جعلی بیلٹ پیپرز کی چھپائی کی ویڈیو کو فراڈ قرار دے دیا گیا ہے۔ترجمان مسلم لیگ ن پنجاب عظمی بخاری نے ماڈل ٹاؤن میں پارٹی سیکرٹریٹ میں پریس کانفرنس کرتے ہوئے کہا کہ نتائج آنے کے بعد تحریک فتنہ فساد وہی کام جاری رکھے ہوئے ہے جو 2014 سے کر رہی تھی، آر ٹی ایس 2018 میں بیٹھا تھا، پری پول دھاندلی کی گئی۔
انہوں نے کہا کہ جب سے بغاوت اور کرپشن کی یہ تحریک سیاست میں آئی ہے ان کی جانب سے دہشت گردی کا سلسلہ جاری ہے۔ کمشنر راولپنڈی فلاپ ڈرامہ تھا، اس کے بعد ایک اور پلانٹڈ کہانی سامنے آگئی۔ اب اردو بازار یا انارکلی میں بیلٹ پیپر چھپوانے کی کہانی سامنے آگئی ہے۔ عجیب بات ہے کہ دروازے کھول کر بیلٹ پیپر چھاپے جا رہے تھے۔
جعلی بیلٹ پیپرز کی چھپائی پر بات کرتے ہوئے عظمی بخاری نے مزید کہا کہ مانسہرہ کے بیلٹ پیپر کو لاہور میں چھپوانے کی کیا ضرورت تھی۔ ہم نے دوبارہ گنتی کی درخواست کی ہے۔ کون دروازہ کھول کر بیلٹ پیپرز چھاپتاہے ؟ معاملہ پکڑنے کے بعد آپ نے معاملہ کو آگے نہیں بڑھایا۔ اس معاملے کو اپنے چینلز پر چلانے کی بجائے پی ٹی آئی کے سوشل میڈیا اکانٹس پر چلایا گیا۔
لیگی رہنما نے کہا کہ وہ صحافی پہلے کسی اور چینل پر چلانے کے لیے گئے تھے لیکن انہوں نے نشر کرنے سے انکار کر دیا تھا۔ یہ صحافی پی ٹی آئی سوشل میڈیا بریگیڈ کے ممبر ہیں اور ان کی ہدایات پر عمل کرتے ہیں۔ کیا یہ صحافی اپنے ملک سے تھوڑی سی بھی محبت نہیں کر سکتے؟
بدقسمتی سے پاکستان کے حالات خراب کرنے کی منصوبہ بندی میں صحافی بھی ملوث ہیں۔ اس معاملے پر صحافی تنظیمیں کہاں ہیں؟انہوں نے کہا کہ سب کو اپنی حدود میں رہنا ہو گا۔ یہ ملک چلے گا تو سب ٹھیک ہو گا۔ جب ہم سوال پوچھتے ہیں تو صحافی کہتے ہیں کہ ہم یا آزادی اظہار پر حملہ ہوا ہے۔ آپ بطور صحافی اپنے لیے ضابطہ اخلاق کیوں نہیں بناتے؟ یوٹیوب پر جو کچھ ہو رہا ہے وہ ہوتا رہنا چاہیے لیکن ان کو ڈالر ملتے رہنا چاہیے۔
ہفتہ, جولائی 27
تازہ ترین
- پاکستان نے بھارتی وزیراعظم کے جنگجویانہ بیان کو مسترد کردیا
- عمران اور بشری بی بی کے وکلا کی عدم موجودگی، 190 ملین پاونڈ ریفرنس کی سماعت ملتوی
- باراک اوباما نے کملا ہیرس کی حمایت کا اعلان کردیا
- ویمنز ایشیا کپ: سری لنکا نے پاکستان کو شکست دیکر فائنل کیلئے کوالیفائی کرلیا
- تحریک انصاف نے مخصوص نشستوں کیلئے فہرستیں الیکشن کمیشن میں جمع کرا دیں
- نئے مالی سال کے مسلسل چوتھے ہفتے بھی مہنگائی میں اضافہ
- متھیرا نے خلیل الرحمان قمر کو رات میں ملاقاتیں نہ کرنے کا مشورہ دے دیا
- صدر آصف زرداری نے سپریم کورٹ میں ایڈہاک ججز کی تعیناتی کی منظوری دے دی
- عمان کے فاسٹ بولر نے شاہین آفریدی کا ورلڈ ریکارڈ توڑ ڈالا
- نیلی اور طاہر انجم کا واقعہ پری پلانڈ تھا، پولیس نے تشدد کے واقعے کا بھانڈا پھوڑ دیا
- سکیورٹی فورسز کی کارروائی، خوارجی دہشتگرد گل بہادر کا قریبی ساتھی جہنم واصل
- حکومت کی جماعت اسلامی کو مذاکرات کی پیشکش