پاپوا نیو گنی میں خوفناک قبائلی تصادم، 64 افراد ہلاک,متعدد زخمی

پاپوا نیو گنی میں خونریز قبائلی جھڑپوں میں کم از کم 64 افراد ہلاک اور متعدد زخمی ہو گئے ہیں۔
برطانوی میڈیا کے مطابق قبائلی تصادم پاپوا نیو گنی کے دور افتادہ علاقے ہوم لینڈز کے صوبے انگا کے ضلع وپن منڈا میں ہوا۔پولیس کے مطابق آبائی علاقے کئی سالوں سے تنازعات کی لپیٹ میں ہیں لیکن حالیہ تنازعات سالوں میں بدترین ہیں اور غیر قانونی ہتھیاروں کی موجودگی نے ان تنازعات کو ہوا دی ہے۔
پولیس حکام نے آسٹریلوی میڈیا کو بتایا کہ انگا یا شاید ہوم لینڈز میں ہونے والا یہ اب تک کا بدترین قبائلی تنازعہ ہے اور ہم سب تباہی اور دبا کا شکار ہیں۔انگہ میں زیادہ تر قبائلی جھڑپیں زمین اور دولت کی تقسیم کی وجہ سے ہوتی ہیں اور گزشتہ سال جولائی میں بھی پولیس نے قبائلی جھڑپوں کے پیش نظر 3 ماہ کا لاک ڈان اور سفری پابندیاں عائد کی تھیں۔پاپوا نیو گنی میں تنازعہ نے گزشتہ سال اگست میں اس وقت بین الاقوامی توجہ حاصل کی جب اس تنازعے کی تصاویر سوشل میڈیا پر وائرل ہوئیں۔
مقامی میڈیا رپورٹس کے مطابق 17 قبائل کے درمیان حالیہ تصادم کو روکنا قانون نافذ کرنے والے اداروں کے لیے ایک بڑا چیلنج ہے۔