اسلام آباد: صدر مملکت ڈاکٹر عارف علوی نے قابل لوگوں کو سیاست سے نکالے جانے پر افسوس کا اظہار کرتے ہوئے کہا ہے کہ عوامی مینڈیٹ کے احترام اور سیاسی شمولیت کو یقینی بنانا ناگزیر ہے۔ اگر نظام پر نوجوانوں کا اعتماد متزلزل ہوا تو یہ قومی مفاد میں نہیں ہوگا۔
ہوسٹنگ بزنس نیٹ 2024 کے تیسرے ایڈیشن سے خطاب کرتے ہوئے انہوں نے کہا کہ مالیاتی شمولیت عوام کی سیاسی شراکت کے بغیر ممکن نہیں اور کروڑوںنوجوان ووٹرز نے جمہوری نظام پر جس اعتماد کا اظہار کیا ہے وہ قابل تحسین ہے۔
صدر نے مینڈیٹ کا احترام کرنے کی ضرورت پر زور دیتے ہوئے کہا کہ پاکستان میں سوشل میڈیا ویب سائٹس کی بندش کی وجہ تنقید کا سامنا کرنے کی فکری صلاحیت کی کمی ہے۔ یہ افسوسناک ہے کہ قابل لوگوں کو سیاست سے نکالا جا رہا ہے۔
ڈاکٹر عارف علوی نے مالیاتی شعبے میں ڈیجیٹل تبدیلی کے ذریعے معاشرے کے محروم طبقات کو معیشت کے مرکزی دھارے میں شامل کرنے پر زور دیا۔ انہوں نے کہا کہ عوام کو ترقی کے عمل سے باہر کرنے سے ملک پر منفی اثرات مرتب ہو سکتے ہیں۔
علاوہ ازیں صدر مملکت نے ملک میں سست فیصلہ سازی اور قیادت کی کمی پر تشویش کا اظہار کرتے ہوئے کہا کہ پاکستان کی ترقی اور خوشحالی کے لیے اچھی قیادت اور بروقت فیصلہ سازی کی ضرورت ہے۔
ڈاکٹر عارف علوی نے کہا کہ پاکستانی عوام ایک متحرک قوم ہے جسے بے شمار قدرتی وسائل سے نوازا گیا ہے، پاکستان کے 26 ملین سکول نہ جانے والے بچوں کے لیے لوگوں کی فکری نشوونما، استعداد کار میں اضافے، تعلیمی نظام میں سرمایہ کاری کی جانی چاہیے۔
صدر نے کہا کہ آبادی کے ایک بڑے حصے کو تعلیم دینے کے لیے ہزاروں نئے اسکول اور اضافی وسائل درکار ہوں گے، اگر اس مسئلے پر توجہ نہ دی گئی تو پاکستان خام افرادی قوت کو ویلیو ایڈیشن کے بغیر برآمد کرے گا۔
ڈاکٹر عارف علوی نے کہا کہ چین نے تعلیم اور صحت میں سرمایہ کاری کر کے اپنے لاکھوں لوگوں کو غربت سے نکالا، ٹیکنالوجی کا استعمال سمندر پار پاکستانیوں کو انٹرنیٹ ووٹنگ کے ذریعے ووٹ کا حق دینے کے لیے کیا جا سکتا تھا۔
ہفتہ, جولائی 27
تازہ ترین
- پاکستان نے بھارتی وزیراعظم کے جنگجویانہ بیان کو مسترد کردیا
- عمران اور بشری بی بی کے وکلا کی عدم موجودگی، 190 ملین پاونڈ ریفرنس کی سماعت ملتوی
- باراک اوباما نے کملا ہیرس کی حمایت کا اعلان کردیا
- ویمنز ایشیا کپ: سری لنکا نے پاکستان کو شکست دیکر فائنل کیلئے کوالیفائی کرلیا
- تحریک انصاف نے مخصوص نشستوں کیلئے فہرستیں الیکشن کمیشن میں جمع کرا دیں
- نئے مالی سال کے مسلسل چوتھے ہفتے بھی مہنگائی میں اضافہ
- متھیرا نے خلیل الرحمان قمر کو رات میں ملاقاتیں نہ کرنے کا مشورہ دے دیا
- صدر آصف زرداری نے سپریم کورٹ میں ایڈہاک ججز کی تعیناتی کی منظوری دے دی
- عمان کے فاسٹ بولر نے شاہین آفریدی کا ورلڈ ریکارڈ توڑ ڈالا
- نیلی اور طاہر انجم کا واقعہ پری پلانڈ تھا، پولیس نے تشدد کے واقعے کا بھانڈا پھوڑ دیا
- سکیورٹی فورسز کی کارروائی، خوارجی دہشتگرد گل بہادر کا قریبی ساتھی جہنم واصل
- حکومت کی جماعت اسلامی کو مذاکرات کی پیشکش