پاکستان سپر لیگ کے چوتھے میچ میں شاندار کارکردگی کا مظاہرہ کرنے والے گلیڈی ایٹرز کے خواجہ نافع کے حوالے سے سرفراز احمد نے انکشاف کیا ہے کہ ان کا انتخاب فیس بک پر ان کی بیٹنگ کی ویڈیو دیکھنے کے بعد کیا گیا۔لاہور قلندرز نے 188 رنز کا ہدف دیا تھا جسے کوئٹہ گلیڈی ایٹرز نے 20ویں اوور کی پہلی گیند پر حاصل کر لیاتھا ۔ میچ کے بعد گفتگو کرتے ہوئے سرفراز احمد کا کہنا تھا کہ انہیں فیس بک پر خواجہ نافع کی ویڈیوز دیکھ کر بلایا گیا تھا، فیس بک پر دیکھی گئی بیٹنگ ویڈیو کے بعد ان کا انتخاب کیا گیا تھا۔
سرفراز احمد کا مزید کہنا تھا کہ خواجہ نفی نے ڈومیسٹک کرکٹ نہیں کھیلی، لیکن وہ بی پی ایل(بنگلہ دیش پریمیئر لیگ)کا حصہ ضرور رہے ہیں جو کہ ایک بڑی کامیابی ہے اور پھر کوئٹہ نے انہیں منتخب کیا، وہ بہت باصلاحیت اور مستقبل کے سٹار ہیں۔
