مسلم لیگ ن کو 20، پی پی 13، ایم کیو ایم کو 5 مخصوص نشستیں ملنے کا امکان

اسلام آباد: قومی اسمبلی کی مخصوص نشستوں کی دوڑ سے تیرہ سیاسی جماعتیں باہر ہوگئیں۔ ن لیگ کو20′ پی پی 13′ ایم کیو ایم کو5 مخصوص نشستیں ملنے کا امکان ہے جبکہ پی ٹی آئی کی27 مخصوص نشستوں کا مستقبل الیکشن کمیشن کے ہاتھ میں ہے۔ مخصوص نشستوں کی دوڑ سے باہر ہونے والی تیرہ جماعتوں میں جماعت اسلامی، جے یو آئی ف، تحریک لبیک، اے این پی، آئی پی پی، مسلم لیگ ضیا پختونخوا ملی عوامی پارٹی، گرینڈ ڈیموکریٹک الائنس شامل ہیں۔ ،مسلم لیگ ق کو بھی مخصوص نشستیں حاصل کرنے میں بھی مشکلات کا سامنا ہے۔اسی طرح پی ٹی آئی پارلیمنٹرین کے عزائم بھی ناکام ہو گئے، مرکزی مسلم لیگ، نیشنل پارٹی، بلوچستان عوامی پارٹی، بلوچستان نیشنل پارٹی مطلوبہ نتائج حاصل نہ کر سکیں۔جن جماعتوں کو مخصوص نشستیں ملیں گی ان میں مسلم لیگ (ن) کو قومی اسمبلی میں 16 خواتین اور 4 اقلیتی مخصوص نشستیں ملنے کا امکان ہے۔ایم کیو ایم کو قومی اسمبلی میں 4 خواتین اور ایک اقلیتی نشست ملنے کا امکان ہے، پی ٹی آئی کی 27 مخصوص نشستوں کا مستقبل الیکشن کمیشن کے ہاتھ میں ہے23 خواتین اور 4 اقلیتی نشستیں سنی اتحاد کونسل کو دینے کا فیصلہ الیکشن کمیشن کی صوابدید پر ہیں