پاک فوج نے ایل او سی پر بھارتی فوج کا کواڈ کاپٹر مار گرایا

پاک فوج نے لائن آف کنٹرول (ایل او سی) پر بھارتی فوج کا ایک اور جاسوس کواڈ کاپٹر مار گرایا۔
پاک فوج کے شعبہ تعلقات عامہ(آئی ایس پی آر) کی جانب سے جاری بیان کے مطابق 26 فروری کو پاکستان کی جاسوسی کرنے والے بھارتی فضائیہ کے کواڈ کاپٹر کو مار گرایا گیا۔
آئی ایس پی آر کا کہنا ہے کہ پاک فوج کو پاکستانی علاقے سے بھارتی فضائیہ کے کواڈ کاپٹر کی باقیات ملی ہیں۔واضح رہے کہ پاک فوج نے جنوری 2021 میں ایل او سی پر بھارتی جاسوس ڈرون کو مار گرایا تھا، یہ بھارتی کواڈ کاپٹر پاکستانی سرحد میں 500 میٹر تک داخل ہوا تھا۔ اس سے قبل یکم جنوری کو بھی پاک فوج نے نوشیر ی سیکٹر میں بھارتی کواڈکاپٹر مار گرایا تھا۔
سال 2020 میں پاک فوج نے بھارت کے ایک درجن کے قریب جاسوس ڈرون مار گرائے تھے۔