نیب ٹیم اڈیالہ جیل پہنچ گئی، توشہ خانہ کے نئے کیس میں کس کی گرفتاری کا امکان

قومی احتساب بیورو (نیب) کے نئے ریفرنس میں بانی پاکستان تحریک انصاف(پی ٹی آئی) عمران خان اور ان کی اہلیہ بشری بی بی کی گرفتاری کا امکان ہے۔
ڈپٹی ڈائریکٹر محسن ہارون کی سربراہی میں نیب ٹیم اڈیالہ جیل پہنچ گئی، نیب ٹیم گیٹ 5 سے اڈیالہ جیل کے اندر روانہ ہوئی۔ذرائع نے بتایا کہ نیب ٹیم کے 2اراکین اڈیالہ جیل کے اندر روانہ ہو گئے، نیب ٹیم قانونی کاروائی مکمل کرنے کے بعد گرفتاری کرے گی۔
ذرائع کے مطابق ہوسکتاہے کہ قومی احتساب بیورو (نیب)کی جانب سے ابھی صرف سابق وزیراعظم عمران خان کی اہلیہ بشری بی بی کی توشہ خانہ کے نئے کیس میں گرفتاری کا امکان ہے۔
ذرائع کے مطابق نیب کی جانب سے بشری بی بی کو انکوائری میں عدم تعاون پر وارنٹ گرفتاری کاسامناکرپڑسکتا ہے ۔
واضح رہے کہ آج اسلام آباد کی ڈسٹرکٹ اینڈ سیشن عدالت نے سابق وزیر اعظم عمران خان اور ان کی اہلیہ بشری بی بی کے خلاف عدت نکاح کیس میں سزا کے خلاف اپیلیں منظور کرتے ہوئے ان کی7،7سال قیدکی سزائیں معطل کردیں اور ان کی رہائی کا حکم دیا۔
فریقین کے دلائل سننے کے بعد اسلام آباد کی ڈسٹرکٹ اینڈ سیشن عدالت نے سابق وزیر اعظم عمران خان اور ان کی اہلیہ بشری بی بی کے خلاف عدت نکاح کیس میں سزا کے خلاف اپیلوں پر فیصلہ محفوظ کرلیا۔
بعد ازاں سہ پہر 3 بجے محفوظ فیصلہ جاری کرتے ہوئے عدالت نے دورانِ عدت نکاح کیس میں سزا کیخلاف مرکزی اپیلیں منظور کرتے ہوئے عمران خان اور ان کی اہلیہ کی7،7سال قیدکی سزائیں کالعدم قرار دے دیں۔
جج افضل مجوکا نے بانی پی ٹی آئی اور بشری بی بی کی رہائی کی روبکار جاری کردیے، عدالت نے کہا کہ میڈیکل بورڈ اور علما کی رائے سے متعلق دونوں درخواستیں مسترد کی جاتی ہیں۔