عبدالطیف چترالی نااہل قرار،الیکشن کمیشن نے محفوظ فیصلہ سنا دیا

الیکشن کمیشن نے حلقہ این اے ون کے رکن قومی اسمبلی عبدالطیف چترالی کو نااہل قرار دے دیا۔ای سی پی ذرائع کے مطابق الیکشن کمیشن نے این اے ون چترال سے عبدالطیف چترالی کی نشست کو خالی قرار دے دیا ، انہیں نو مئی کے مقدمات میں سزا یافتہ ہونے پر نااہل قرار دیا گیا۔علاوہ ازیں الیکشن کمیشن نے محفوظ شدہ فیصلہ سنایا، فیصلے میں بتایا گیا کہ عبداللطیف چترالی کو انسداد دہشت گردی عدالت سے 10 سال قید کی سزا ہو چکی ہے،الیکشن کمیشن نے رکن قومی اسمبلی کو آرٹیکل 63 (ون) (ایچ) کے تحت نااہل کیا۔قبل ازیں الیکشن کمیشن نے آج عبداللطیف چترالی کی نااہلی کے کیس کی سماعت چیف الیکشن کمشنر کی سربراہی میں 5 رکنی بینچ نے کی تھی، جس کے بعد فیصلہ محفوظ کیا گیا تھا۔واضح رہے کہ آئین کے مطابق دوسال سے زائد سزا پرممبر اسمبلی نااہل ہوگا۔