پی ایس ایل 9؛ لاہور قلندرز کی ناکامیوں کو بریک نہ لگ سکا

لاہور:پاکستان سپر لیگ سیزن 9 کے 14 ویں میچ میں ملتان سلطانز نے لاہور قلندرز کو 60 رنز سے شکست دیدی۔
لاہور کے قذافی سٹیڈیم میں ہونیوالے پاکستان سپر لیگ سیزن 9 کے 14 ویں میچ میں ملتان سلطانز کے کپتان محمد رضوان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 4 وکٹوں کے نقصان پر 214 رنز بنائے۔
215 رنز کے ہدف کے تعاقب میں لاہور قلندرز کی پوری ٹیم 17ویں اوور میں 154 رنز بناکر آٹ ہوگئی، لاہور قلندرز کی جانب سے صاحبزادہ فرحان31اور وین ڈوسن 30 رنز بنا کر نمایاں رہے ،فخر زمان نے 23 اور سکندر رضا نے 17 رنز بنائے۔
ملتان سلطانز کی جانب سے اسامہ میر نے 6، فیصل اکرم نے 2 جبکہ خوشدل شاہ اور آفتاب ابراہیم نے ایک ایک وکٹ حاصل کی۔
قبل ازیں ملتان سلطانز کی جانب سے محمد رضوان اور ریزا ہینڈرکس نے اننگز کا آغاز کیا تاہم محمد رضوان پہلے ہی اوور میں شاہین آفریدی کی گیند پر بغیر کوئی رن بنائے آوٹ ہوگئے، عثمان خان نے 55 گیندوں پر 96 رنز کی شاندار اننگز کھیلی، ریزا ہینڈرکس اور افتخار احمد نے 40، 40 جبکہ طیب طاہر نے 21 رنز بنائے۔
واضح رہے کہ قلندرز اب تک 6 میچز کھیل کر تاحال فتح کی تلاش میں ہیں، ملتان سلطانز کی ٹیم بھی ایونٹ میں 6 میچز کھیل کر 5 میں فاتح رہی جبکہ ایک میں اسے شکست کا منہ دیکھنا پڑا۔
ملتان سلطانز پوائنٹس ٹیبل پر 10پوائنٹس کیساتھ سرفہرست ہے جبکہ لاہور قلندرز صفر پوائنٹ کے ساتھ آخری پوزیشن پر ہے۔