838 سیکنڈز تک دو غبارے ہوا میں اچھالنے کا انوکھا ریکارڈ

ایڈاہو: گنیز ورلڈ ریکارڈ بنانے کے لیے پرعزم امریکی شہری نے طویل ترین وقت تک دو غبارے ہوا میں اچھالنے کا ریکارڈ دوبارہ اپنے نام کرلیا۔
امریکی ریاست ایڈاہو سے تعلق رکھنے والے ڈیوڈ رش نے یہ ریکارڈ سب سے پہلے 2018 میں بنایا تھا، اس وقت انہوں نے دونوں غباروں کو 3 منٹ اور 12 سیکنڈ تک ہوا میں پھینک کر یہ ریکارڈ اپنے نام کیا تھا۔
2019 میں ایک شخص نے دو غبارے 6 منٹ 34 سیکنڈ تک ہوا میں اچھال کر ریکارڈ اپنے نام کیا۔
ڈیوڈ رش نے کہا کہ اس ریکارڈ کے لیے بہت مہارت اور توجہ کی ضرورت ہے۔ دونوں غباروں کو ایک ایک کر کے مارنا تھا اور اگر ان میں سے ایک تیزی سے اوپر جا کر دوسرے سے ٹکرا جائے تو کھیل ختم ہو جاتا ہے۔
ڈیوڈ رش نے کہا کہ دو غباروں کو ایک منٹ کے لیے ہوا میں رکھنے کے لیے کئی ہفتوں کی مشق کرنا پڑی۔
واضح رہے کہ ڈیوڈ رش 250 سے زائد گنیز ورلڈ ریکارڈ توڑ چکے ہیں اور اس وقت ان کے نام 162 ریکارڈ موجود ہیں۔