راولپنڈی: جی ایچ کیو حملہ کیس میں شیخ رشید، سابق ڈپٹی اسپیکر پنجاب اسمبلی واثق قیوم اور تحریک انصاف کے کارکنوں کی عبوری ضمانتیں منظور کرلی گئیں۔ راولپنڈی کی انسداد دہشت گردی کی خصوصی عدالت نے جی ایچ کیو حملہ کیس کی سماعت کی اور پی ٹی آئی کے 3 امیدواروں سمیت 24 کارکنوں کی ضمانتوں پر فیصلہ محفوظ کرلیا جو آج سنایا گیا۔ انسداد دہشت گردی کی خصوصی عدالت کے جج ملک اعجاز آصف نے سابق ڈپٹی سپیکر پنجاب اسمبلی واثق قیوم عباسی اور پی ٹی آئی کارکنوں کی عبوری ضمانتیں منظور کر لیں۔ اسی طرح جی ایچ کیو حملہ کیس میں شیخ رشید کی ضمانت منظور کرلی گئی۔ عدالت نے ایک لاکھ روپے کے ضمانتی مچلکے جمع کرانے کا حکم جاری کردیا۔ شیخ رشید کے وکیل سردار عبدالرازق نے کہا ہے کہ دو مقدمات میں ضمانتیں کنفرم ہو چکی ہیں اور باقی 10 مقدمات کے فیصلے جلد کر دیے جائیں گے۔ باقی مقدمات میں عبوری ضمانتوں کی توثیق متوقع ہے۔ . انہوں نے کہا کہ انسداد دہشت گردی کی عدالت کے جج بہادر جج ہیں اور آزادانہ فیصلے کر رہے ہیں۔ سول لائنز اور آر اے بازار میں ضمانتیں منظور کر لی گئی ہیں۔ مئی کے 9 کیسز میں صرف وہ لوگ ہیں جو موقع پر موجود تھے جو موجود نہیں تھے۔ جی ایچ کیو حملہ کیس میں نامزد تحریک انصاف کے 15 کارکنوں کی عبوری ضمانتیں بھی منظور کرلی گئیں، باقی 11 مقدمات میں بھی ضمانت کے فیصلے جاری کیے جارہے ہیں۔ واضح رہے کہ سابق وزیر داخلہ شیخ رشید اور ان کے بھتیجے راشد شفیق کے خلاف سانحہ 9 مئی کے حوالے سے 12 مقدمات درج ہیں۔ تمام دس تھانوں نے تحقیقات مکمل کرنے کے لیے شیخ رشید کی گرفتاری مانگ لی ہے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی