سی ٹی ڈی کی کارروائی، 7 مبینہ دہشت گرد گرفتار

کانٹر ٹیررازم ڈیپارٹمنٹ (سی ٹی ڈی) نے پنجاب کے مختلف شہروں میں کارروائی کرتے ہوئے کالعدم تحریک طالبان پاکستان(ٹی ٹی پی)کے کمانڈر سمیت 7 مبینہ دہشت گردوں کو گرفتار کر لیا۔
سی ٹی ڈی کا کہنا ہے کہ پنجاب کے مختلف شہروں میں خفیہ اطلاعات کی بنیاد پر 164 کارروائیاں کی گئیں۔انہوں نے مزید بتایا کہ جن شہروں میں آپریشن کیے گئے ان میں لاہور، منڈی بہاالدین، گوجرانوالہ، لیہ، ساہیوال، میانوالی اور بہاولپور شامل ہیں۔
ترجمان سی ٹی ڈی پنجاب کا کہنا ہے کہ ٹی ٹی پی کے اہم کمانڈر معاویہ کو بہاولپور سے گرفتار کر لیا گیا ہے۔