اینٹی نارکوٹکس فورس کی7 مختلف کارروائیاں،خاتون سمیت6 ملزمان گرفتار

اسلام آباد:اینٹی نارکوٹکس فورس (اے این ایف) نے 7 مختلف کارروائیوں میں ایک ٹن 540 کلومنشیات برآمد کرلی جبکہ خاتون سمیت6 ملزمان گرفتار کر لیے گئے ۔
ترجمان اے این ایف کے مطابق یہ کارروائیاں قلعہ عبداللہ ، کچلاک بائی پاس،سریاب روڈ کوئٹہ، گوادر،کراچی، ،پشاور،راولپنڈی میں کی گئیں ، کارروائی کے دوران ایک ٹن 499 کلوچرس،38 کلو ہیروئن برآمدکی گئی ۔
ترجمان کا بتانا ہے کہ ایک اور کارروائی میں 1 کلو افیون اور 2 کلو آئس برآمد کی گئی، گرفتارملزمان کیخلاف انسدادِمنشیات ایکٹ کیتحت مقدمات درج کرلیے گئے ہیں۔