اسلام آباد: پی ٹی آئی نے بانی چیئرمین تحریک انصاف عمران خان کے خلاف توشہ خانہ ریفرنس کے حوالے سے دعوی کیا ہے کہ عدالت میں نیب کے گواہ کے بیان کے بعد ریفرنس بے بنیاد اور من گھڑت ثابت ہوا ہے۔
پی ٹی آئی کے بیان میں کہا گیا ہے کہ عمران خان کے وکیل شہباز کھوسہ ایڈووکیٹ نے نیب کے سٹار گواہ عمران مسیح پر جرح میں سارا کیس اڑا دیا۔پی ٹی آئی نے دعوی کیا کہ نیب نے توشہ خانہ کے زیورات کی تصاویر عمران مسیح کو بھیجیں اور ان کے جواب کی بنیاد پر سارا کیس بنایا گیا۔
گواہ عمران مسیح ایف اے پاس شخص ہے جو 8 سال کی کوششوں کے باوجود فیل ہو گیا ‘بی اے کا امتحان پاس نہ کر سکا۔پی ٹی آئی نے کہا کہ عمران مسیح کے پاس زیورات کی جانچ کے لیے کوئی سرٹیفکیٹ نہیں، عمران مسیح کو آئی جی آئی کا مخفف بھی نہیں معلوم، ہیروں کی گریڈنگ کے لیے متعلقہ سرٹیفکیٹ اور عمران مسیح اپنی دکان کے مالک کوبھی نہیں جانتے کہ وہ کون ہے۔
بیان میں کہا گیا کہ سیلز مین عمران مسیح نے مارکیٹ ریسرچ اور دکانوں کے تخمینے کی کوئی تحریری کاپی پیش نہیں کی اور نہ ہی عمران مسیح کو کمپنی کی جانب سے قیمت کے تعین اور عدالت میں گواہی کے حوالے سے کوئی اتھارٹی لیٹر جاری کیا گیا۔
پی ٹی آئی کی جانب سے کہا گیا کہ نیب کے ریفرنس میں دیے گئے تحائف کی مشینوں سے جانچ نہیں کی گئی کیونکہ اس کے پاس ان تحائف کی صرف تصاویر موجود تھیں۔ گواہ عمران مسیچ نے اپنی رپورٹ میں ہیروں کا وزن گرام میں لکھا جبکہ ہیروں کاوزن کیراٹ میں ماپا جاتا ہے۔
جمعہ, اکتوبر 18
تازہ ترین
- ڈکیت گینگ کی سرپرستی، سب انسپکٹر اور جیل ملازم گرفتار
- وزیراعظم ہائوس میں بڑا سیاسی اکٹھ، فوجی عدالتوں کے معاملے پر بریفنگ
- آئین میں ترمیم کیلئے حکومت کا طریقہ کار درست نہیں: بیرسٹر گوہر
- اسرائیل کا حماس سربراہ یحییٰ سنوار کی شہادت کا دعویٰ
- ڈیمز فنڈ میں موجود رقم حکومت کے پبلک اکائونٹ میں منتقل کرنے کا حکم
- میرے استعفیٰ سے دہشتگردی کم ہوتی ہے تو تیار ہوں: وزیراعلی بلوچستان
- احتجاج کی کال پی ٹی آئی کی ملک دشمنی کا منہ بولتا ثبوت ہے : خواجہ آصف
- بانی پی ٹی آئی کی بہنیں علیمہ اور عظمیٰ خان اڈیالہ سے جہلم جیل منتقل
- پنجاب حکومت کا گاڑی مالکان کیلئے من پسند نمبر پلیٹ کے اجرا کا فیصلہ
- وزیراعظم سے ایم کیو ایم کے وفد کی ملاقات، آئینی ترامیم پر تبادلہ خیال
- بلاول بھٹو نے آئینی ترمیم کا مسودہ شیئر کرکے عوام سے تجاویز بھی مانگ لیں
- اسرائیل کی بیروت میں وحشیانہ بمباری، مزید 60 افراد شہید،168 زخمی