اسلام آباد: بلوچستان اور خیبرپختونخوا میں امن و امان کی بگڑتی ہوئی صورتحال پر الیکشن کمیشن کا ہنگامی اجلاس ہوا، جس میں نگراں وزیر داخلہ نے دونوں صوبوں میں سیکیورٹی امور پر بریفنگ دی۔
چیف الیکشن کمشنر سکندر سلطان راجہ نے اجلاس کی صدارت کی۔ اجلاس میں سیکرٹری الیکشن کمیشن ڈاکٹر آصف حسین اور الیکشن کمیشن کے سینئر حکام، نگراں وزیر داخلہ گوہر اعجاز، سیکرٹری داخلہ آفتاب اکبر درانی، بلوچستان اور خیبرپختونخوا کے چیف سیکرٹریز اور آئی جیز نے شرکت کی۔
اجلاس میں امن و امان کی صورتحال پر بریفنگ کے لیے انٹیلی جنس اداروں کے نمائندوں نے بھی شرکت کی۔
وزیر داخلہ گوہر اعجاز نے الیکشن کمیشن کو بلوچستان اور خیبرپختونخوا میں امن و امان کی صورتحال پر بریفنگ دی۔ بلوچستان اور خیبرپختونخوا میں امن و امان سے متعلق رپورٹ الیکشن کمیشن کے سامنے رکھ دی گئی۔
نگراں وزیر داخلہ نے کہا کہ بلوچستان اور خیبرپختونخوا میں بدامنی کے واقعات ڈرانے کے لیے کیے گئے۔
اجلاس کے بعد میڈیا سے گفتگو کرتے ہوئے نگراں وزیر داخلہ گوہر اعجاز کا کہنا تھا کہ 8 فروری کو ہونے والے انتخابات کے حوالے سے کسی کے ذہن میں کوئی ابہام نہیں ہونا چاہیے، الیکشن کمیشن اور نگران حکومت ہر صورت انتخابات کا انعقاد یقینی بنائے گی اور 8 فروری کو انتخابات ہوں گے۔
انہوں نے کہا کہ نگران حکومت کو جو ذمہ داری دی گئی ہے وہ اس میں سرخرو ہوگی، سیکیورٹی اداروں نے چاروں صوبوں میں سیکیورٹی کے بہتر انتظامات کیے ہیں، عوام اعتماد کے ساتھ ووٹ کاسٹ کریں، اس الیکشن سے ملک میں استحکام آئے گا۔ان کا کہنا تھا کہ بلوچستان میں جو واقعات ہوئے ان کا تعلق الیکشن سے نہیں، بلکہ یہ دہشت گردی کے واقعات ہیں، بلوچستان میں کوئی سیاسی پولرائزیشن نہیں، بلوچستان میں ہمارا سب سے بڑا چیلنج دہشت گردی ہے، سیکیورٹی ادارے ملک کی سلامتی کو یقینی بناتے ہیں۔ وہ جو کچھ کر رہا ہے اس پر اسے فخر ہے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی