شہدا کیخلاف بیانات دینے والوں کا دہشتگردوں سے ضرور کوئی رابطہ ہے: وزیر دفاع

سیالکوٹ: وفاقی وزیر دفاع خواجہ آصف نے کہا ہے کہ شہدا کے خلاف سیاسی جماعت کی مہم ملک دشمنی ہے۔سیالکوٹ میں میڈیا سے گفتگو کرتے ہوئے وفاقی وزیر دفاع خواجہ آصف نے کہا کہ اس وقت سب سے زیادہ دہشت گردی خیبرپختونخوا میں ہو رہی ہے، دہشت گردی کے خلاف جنگ لڑنے کے لیے اتحاد ضروری ہے، گزشتہ روز وزیرستان میں ہمارے جوان شہید ہوئے۔
وزیر دفاع خواجہ آصف نے کہا ہیکہ اس وقت سب سے زیادہ دہشت گردی خیبرپختونخوا میں ہو رہی ہے، جو شہدا کے خلاف بیانات دیتے ہیں ان کا دہشت گردوں سے ضرور کوئی رابطہ ہے۔
خواجہ آصف کا کہنا تھا کہ ایک سیاسی جماعت نے سوشل میڈیا پر شہدا کے خلاف مہم چلائی اور ان کی شہادتوں کا مذاق اڑایا، وطن کے ساتھ اس سے بڑی ملک دشمنی نہیں ہوسکتی، الیکشن میں اختلافات پر شہدا کو شامل کرنا انتہائی گھٹیا عمل ہے۔
خواجہ آصف نے کہا کہ زیادہ تر دہشت گردی افغان سرزمین سے ہو رہی ہے، جو شہدا کے خلاف بیانات دیتے ہیں ان کا دہشت گردوں سے ضرور کوئی رابطہ ہے، جو دہشت گرد اففانستان سے پاکستان آرہے ہیں یہی لوگ ان کو پناہ دیتے ہیں۔
انہوں نے مزید کہا کہ کچھ لوگوں نے شہدا کا مذاق اڑایا اور انہیں ریٹرننگ افسروں سے تشبیہ دی، یہ پارٹی شناخت کھوچکی ہے، یہ سنی اتحاد کونسل ہے یا پی ٹی آئی کچھ پتا نہیں، آج یہ بے نام پارٹی ہے، ناجانے کون اس پارٹی کو چلا رہا ہے،کون ملک سے باہر بیٹھ کر گالیاں دے رہا ہے۔