30سیکنڈ میں 73بار جلتی ہوئی تلوار گھما کر 60بار کا ریکارڈ بریک

آئیڈاہو: امریکا کے سیریل ریکارڈ ساز نے کم وقت میں سیکنڈ میں 73 بار جلتی ہوئی تلوار گھمانے کا گینیز ورلڈ ریکارڈ بنا دیا۔
امریکی ریاست آئیڈاہو سے تعلق رکھنے والے ڈیوڈ رش(جو 250 سے زائد گینیز ورلڈ ریکارڈز توڑ چکے ہیں اور اس وقت ان کے نام پر 166ریکارڈ موجود ہیں) نے 30 سیکنڈ میں 73 بار جلتی ہوئی تلوار گھمائی۔ اس سے قبل وہ ایک منٹ کی کیٹیگری میں 136 بار جلتی ہوئی تلوار گھمانے کا ریکارڈ بنا چکے ہیں۔ تاہم، ان کی 30 سیکنڈ کے ریکارڈ کی ابتدائی کوشش کو رد کر دیا گیا تھا۔
ڈیوڈ رش نے ریکارڈ نام کرنے کی ایک نئی کوشش کی اور 30سیکنڈ میں 73 بار جلتی ہوئی تلوار گھما کر 60 بار کا ریکارڈ توڑا۔
اس ریکارڈ کے بعد ڈیوڈ رش کے بیک وقت ریکارڈ کی تعداد 166 ہوگئی اور اب ان کو سب سے زیادہ گینیز ورلڈ ریکارڈ رکھنے کا ریکارڈ بنانے کے لیے محض 15 ریکارڈ درکار ہیں۔ فی الحال یہ ریکارڈ سِلویو سابا کے پاس ہے۔