الخدمت فانڈیشن کا فلسطینی سفیر کے اعزاز میں الوداعی عشائیہ، خدمات پر خراج تحسین پیش

لاہور: الخدمت فانڈیشن کی جانب فلسطینی سفیرکے اعزاز میں الوداعی عشائیہ کا اہتمام کیا گیا۔
عشائیہ میں الخدمت فانڈیشن پاکستان کے صدر ڈاکٹر حفیظ الرحمن، نائب صدر محمد عبدالشکور، ائیر مارشل ریٹائرڈ فاروق حبیب، سیکرٹری جنرل سید وقاص جعفری، مصر کے سفیر ڈاکٹر ایہاب محمد عبد الحمید حسن، ڈپٹی ہیڈ آف مشن آف دی اسٹیٹ آف فلسطین نادر ایچ ای کے الترک، چیئرمین الخدمت آغوش یوکے ڈاکٹرعدیل ریاض، وائس چانسلررفاہ انٹرنیشنل یونیورسٹی پروفیسر ڈاکٹر انیس احمد اور دیگرذمہ داران نے شرکت کی، اس موقع پر شرکا نے سفیر احمد ربیعی کو بطورسفیرخدمات پر خراج تحسین پیش کیا۔
ڈاکٹرحفیظ الرحمن نے گفتگو کرتے ہوئے کہا کہ فلسطین امت مسملہ کی آنکھوں کا تارہ ہے اوراِس وقت شدید بحران کا شکارہے، احمد ربیعی نے اپنی ذمہ داری نبھاتے ہوئے فلسطین کاز کو لوگوں تک پہنچایا اور پاکستان سے امدادی سرگرمیوں میں بھرپور تعاون کیا۔ ہم احمد ربیعی کے مستقبل کے لیے نیک خواہشات کا اظہار کرتے ہیں اور ان کا تہہ دل سے شکریہ ادا کرتے ہیں۔
ڈاکٹر حفیظ الرحمن نے بتایا کہ الخدمت فانڈیشن غزہ سے آئے ہوئے تمام طلبہ کی رہائش اور تعلیم کے اخراجات ادا کر رہی ہے اور مستقبل میں بھی فلسطینی سفارت خانہ سے آنے والے طلبہ کے بھی اخراجات ادا کئے جائیں گے۔ الخدمت فانڈیشن غزہ سے آنے والے طلبہ کا بھی علاج کروائے گی۔
اس موقع پر سفیر احمد ربیعی نے ڈاکٹر حفیظ الرحمن کو مسجد قصی میں بنا ہوا قرآن مجید کا نسخہ پیش کیا۔ احمد ربیعی نے الخدمت فانڈیشن اور پاکستانی عوام کا شکریہ ادا کیا اور کہا کہ الخدمت فانڈیشن نے ہمارے ساتھ مل کر ہمارے مظلوم بہن بھائیوں کی بہت خدمت کی میں امید کرتا ہوں کہ میرے بعد آنے والے سفیر کے ساتھ مل کربھی الخدمت فانڈیشن خدمت کا یہ سلسلہ جاری رکھے گی۔