کوئٹہ میں لیاقت بازار کے قریب دھماکا، 5 افراد زخمی

کوئٹہ: بلوچستان کے صوبائی دارالحکومت کوئٹہ کے لیاقت بازار کے قریب چائنہ مارکیٹ کی دکان پر دھماکے سے5افراد کے زخمی ہونے کی اطلاع ہے۔
پولیس کے مطابق دھماکے کی نوعیت اور نقصان کا تعین کیا جارہا ہے، دھماکہ اس قدر شدید تھا جس سے اطراف کی عمارتیں بھی لرز اٹھیں۔
پولیس کا بتانا ہے کہ لیاقت بازار کیقریب چائنہ مارکیٹ میں ہونے والے دھماکے میں ،5 افراد زخمی ہوئے ہیں،ریسکیو ٹیموں کی جانب سے زخمیوں کو سول ہسپتال منتقل کردیا گیا ہے، جہاں زخمیوں کو طبی امداد دی جارہی ہے۔
دوسری جانب واقعہ کے فوری بعد سکیورٹی فورسز کی جانب سے علاقے کی ناکہ بندی بھی کردی گئی ہے جبکہ تفتیشی ٹیموں نے جائے وقوعہ سے شواہد اکٹھے کرنے شروع کردیئے ہیں۔
واضح رہے چائنہ مارکیٹ جس دکان میں دھماکہ ہوا وہاں اور اطراف میں جشن آزادی کے حوالے سے بیچز،سمیت دیگر چیزیں فروخت کی جارہی تھیں۔