اسلام آباد(نیوزڈ یسک) صدر مملکت آصف علی زرداری نے اسلام آباد لوکل گورنمنٹ ترمیمی بل 2024 کی منظوری دے دی۔بل کا مقصد اسلام آباد لوکل گورنمنٹ ایکٹ 2015 میں ترامیم کرنا ہے، صدر مملکت نے بل کی منظوری آئین کے آرٹیکل 75 کے تحت دی۔واضح رہے کہ ترمیمی بل کے مطابق اسلام آباد بلدیاتی انتخابات ایکٹ میں یونین کونسل کی سطح پر منتخب نمائندوں کی تعداد بڑھائی گئی ہے۔اس سے پہلے یونین کونسل میں صرف چیئرمین و وائس چیئرمین کے عہدے تھے، تاہم، اب ترمیم کے مطابق موجودہ بل میں چیئرمین و وائس چیئرمین کے ساتھ ساتھ 15 مزید نمائندے بھی منتخب ہوں گے۔یونین کونسل میں چیئرمین و وائس چیئرمین کے علاوہ 9 ممبرز یونین کونسل بھی منتخب کئے جائیں گے، نئی ترمیم کے تحت یونین کونسل سطح پر ایک کسان یا مزدور، ایک اقلیت اور ایک نوجوان بھی منتخب کیا جائے گا جبکہ تین خواتین بھی منتخب کی جائیں گی۔بل کے مطابق جنرل سیٹوں پر امیدواروں کا انتخاب براہ راست ہوگا، جنرل کونسل کے امیدواروں کا انتخاب خفیہ رائے شماری کے ذریعے کیا جائے گا، انتخابی عمل کی تکمیل کے بعد یونین کونسل کا سیکرٹری اجلاس بلائے گا، سیکرٹری اجلاس میں چیئرمین اور وائس چیئرمین کا انتخاب کیا جائے گا۔
پیر, ستمبر 16
تازہ ترین
- آئرن اینڈ سٹیل کی قومی درآمدات میں 9 فیصد سے زیادہ اضافہ
- تحریک انصاف کے گرفتار ارکان قومی اسمبلی کو رہا کردیاگیا
- پاکستان اور انڈونیشیا کی مشترکہ فوجی مشقیں اختتام پذیر ہوگئی ہیں، آئی ایس پی آر
- نئے توشہ خانہ کیس کا ایف آئی اے قوانین کے تحت ٹرائل شروع
- پنجاب پولیس کی شکایت پر اسلام آباد پولیس کے اہلکاروں کے خلاف مقدمہ درج
- چین پاکستان کو شکست دیکر ایشین ہاکی چیمپئنز ٹرافی کے فائنل میں پہنچ گیا
- ملک بھر میں 12 ربیع الاول کے موقع پر مالیاتی ادارے اور بینک بند رہیں گی
- 26 ویں مجوزہ آئینی ترمیم کے خلاف درخواست سپریم کورٹ میں دائر کردی گئی
- ابھیشیک سے علیحدگی کی خبریں: ایشوریا کی نئی ویڈیو نے مداحوں کو کیوں افسردہ کردیا؟
- خیبرپختونخوا پولیس کے اہلکاروں کے سوشل میڈیا استعمال پر پابندی عائد
- کشمیر میں حریت پسندوں کے حملوں کی نئی لہر سے بھارتی افواج حیران
- پارلیمنٹ میں اکثریت فارم47سے مسلط افراد کی ہے، حافظ نعیم الرحمن