نیوزی لینڈ کرکٹ ٹیم کو دھچکا’کین ولیمسن ہیمسٹرنگ انجری کے باعث سیریز سے باہر

ہیملٹن: نیوزی لینڈ کے کپتان کین ولیمسن پاکستان کے خلاف دوسرے ٹی ٹوئنٹی میں ہیمسٹرنگ انجری کا شکار ہو گئے جس کے بعد انہیں 26 کے انفرادی سکور پر ریٹائر ہونا پڑا۔وہ دسویں اوور میں سنگل لینے کے دوران انجری کا شکار ہوئے، اوور کے اختتام پر فزیو نے ان کا معائنہ کیا لیکن وہ بیٹنگ جاری نہیں رکھ سکے، جس کی وجہ سے انہیں میدان سے باہر جانا پڑا۔انہوں نے وکٹ پر مختصر قیام کے دوران 15 گیندوں کا سامنا کرتے ہوئے 3 چوکے اور ایک چھکا لگایا، ٹم ساتھی ان کی غیر موجودگی میں باقی میچ میں ٹیم کی قیادت کر رہے تھے۔ولیمسن گزشتہ سال سے فٹنس مسائل کا شکار ہیں، پاکستان کے خلاف جاری سیریز کے تیسرے میچ میں انہیں آرام دینے کا فیصلہ پہلے ہی کیا گیا تھا۔