اسلام آباد: پاکستان کو بین الاقوامی مالیاتی فنڈ (آئی ایم ایف) سے 70 کروڑ ڈالر کی اگلی قسط موصول ہوگئی ہے جب کہ متحدہ عرب امارات نے بھی حکومت کی درخواست پر 2 ارب ڈالر سے زائد کا قرضہ رول اوور کر دیا ہے جس کے بعد ملکی زرمبادلہ کے ذخائر میں بھی اضافہ ہوگیا ہے۔
وزارت خزانہ کے ذرائع کا کہنا ہے کہ آئی ایم ایف کے ایگزیکٹو بورڈ نے گزشتہ ہفتے عملے کے معاہدے اور اقتصادی جائزے کی منظوری کے ساتھ اگلی قسط کے اجرا کی منظوری دی تھی۔
ذرائع کا کہنا ہے کہ پاکستان کو اسٹینڈ بائی ارینجمنٹ پروگرام کے تحت اب تک 1.9 بلین ڈالر مل چکے ہیں جب کہ اگلے معاشی جائزے کی کامیابی کی صورت میں پاکستان کو آخری معاشی جائزے کے بعد مزید 1.1 ارب ڈالر ملیں گے۔ مذاکرات اگلے ماہ ہونے والے ہیں۔
آئندہ عام انتخابات کے باعث مذاکرات کا شیڈول تبدیل ہو سکتا ہے، پروگرام کے تحت قرض کی آخری قسط اپریل میں ملنی ہے۔
پاکستان اور آئی ایم ایف کے درمیان سٹاف لیول کا معاہدہ گزشتہ سال 15 نومبر کو طے پایا تھا۔ پاکستان پہلے ہی 3 بلین ڈالر کے اسٹینڈ بائی انتظام کے تحت 1.2 بلین ڈالر وصول کر چکا ہے۔
دوسری جانب متحدہ عرب امارات نے بھی پاکستان کی درخواست پر دو ارب ڈالر کا قرضہ رول کر دیا ہے۔ متحدہ عرب امارات نے پاکستان کے لیے قرضے میں جون 2025 تک توسیع کر دی ہے۔
وزارت خزانہ کے مطابق جو قرضہ رول اوور ہو چکا ہے وہ رواں ماہ میچورٹی پر واپس کیا جانا تھا جسے اب جون 2025 تک موخر کر دیا گیا ہے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی