ایسا حکم نہیں دینا چاہتے جس سے انتخابات میں تاخیر ہو، سپریم کورٹ

اسلام آباد: سپریم کورٹ نے کاغذات نامزدگی کی منظوری سے متعلق کیس کی سماعت کے دوران ریمارکس دیے کہ ہم ایسا حکم نہیں دینا چاہتے جس سے انتخابات میں تاخیر ہو۔
سپریم کورٹ کے جسٹس جمال مندوخیل نے پی پی 224 سے امیدوار کے کاغذات نامزدگی کی منظوری کے لیے دائر اپیل کی سماعت کی جس میں اسپیشل سیکریٹری الیکشن کمیشن عدالت میں پیش ہوئے۔
پنجاب اسمبلی کے حلقہ پی پی 244 بہاول نگر میں کاغذات نامزدگی مسترد ہونے کے خلاف اپیل پر سماعت جسٹس منصور علی شاہ کی سربراہی میں سپریم کورٹ کے 3 رکنی بینچ نے کی۔ عدالت نے پی پی 244 سے امیدوار مظفر خان کی کاغذات نامزدگی منظوری کے لیے دائر اپیل خارج کردی۔
دوران سماعت عدالت نے کہا کہ درخواست گزار نے اپیل دائر کرنے میں 12 دن کی تاخیر کی، اگر بروقت اپیل دائر کی جاتی تو انتخابات کی اجازت مل سکتی تھی، ہم ایسا حکم جاری نہیں کرنا چاہتے جس سے انتخابات میں تاخیر ہو۔