چیف جسٹس کے خلاف سوشل میڈیا پر مہم , ملزم کا جوڈیشل ریمانڈ منظور

چیف جسٹس کے خلاف سوشل میڈیا پر دھمکی آمیز مہم چلانے والے ملزم کو جوڈیشل ریمانڈ پر جیل بھیج دیا گیا۔ملزم عبدالواسع کو 2 روزہ جسمانی ریمانڈ مکمل ہونے پر راولپنڈی کی مقامی عدالت میں مجسٹریٹ عادل سرورسیال کے سامنے پیش کیا گیا۔
عدالت نے ملزم کو جوڈیشل ریمانڈ پر جیل بھیج دیا۔واضح رہے کہ 22 فروری کو چیف جسٹس آف پاکستان قاضی فائز عیسی کے خلاف سوشل میڈیا ویب سائٹ پر دھمکی آمیز مہم چلانے والے ملزم کا 2 روزہ جسمانی ریمانڈ منظور کیا گیا تھا۔
راولپنڈی کی مقامی عدالت نے ملزم عبدالواسع کو ایف آئی اے سائبر کرائم ونگ کے حوالے کر دیا تھا۔
یاد رہے کہ قانون نافذ کرنے والے اداروں نے فوری کارروائی کرتے ہوئے چیف جسٹس کے خلاف سماجی رابطے کی ویب سائٹ پردھمکی آمیز مہم چلانے پرملزم کو حراست میں لے لیا تھا۔
قانون نافذ کرنے والے ادارے دیگر کرداروں کی نشاندہی کرنے میں بھی مصروف ہیں جو چیف جسٹس قاضی فائز عیسی کے خلاف سوشل میڈیا پر غلیظمہم چلا رہے ہیں۔