ایم کیو ایم وزیراعظم، اسپیکر کے انتخاب کے لیے ن لیگ کو ووٹ دے گی

متحدہ قومی مومنٹ پاکستان نے وفاقی کابینہ میں شامل نہ ہونے کا فیصلہ کیا ہے۔
ذرائع کا کہنا ہے کہ ایم کیو ایم پاکستان وزیراعظم، اسپیکر قومی اسمبلی کے انتخاب کے لیے (ن) لیگ کو ووٹ دے گی۔
ایم کیو ایم قیادت کے ذرائع کا کہنا ہے کہ وہ ایسی وزارت نہیں لے سکتے جس سے عوامی مسائل حل نہ ہوں، ایم کیو ایم کی قیادت نے(ن) لیگ کو وفاقی کابینہ کا حصہ نہ بننے کے فیصلے سے آگاہ کر دیا ہے۔
یاد رہے کہ مسلم لیگ(ن) نے ایم کیو ایم پاکستان کو مرکز میں وفاقی وزارتوں کی پیشکش کی تھی۔ایم کیو ایم قیادت کے ذرائع کا کہنا ہے کہ ہم بلدیاتی اداروں کو مالی اور انتظامی خود مختاری دینے کے لیے آئینی ترمیم کی حمایت کرنا چاہتے ہیں، 18ویں ترمیم سے مضبوط بااختیار مالیاتی خود مختار بلدیاتی اداروں کو تقویت ملے گی۔