اسلام آباد یونائیٹڈ نے کراچی کنگز کو 5 وکٹ سے ہرادیا

ایچ بی ایل پاکستان سپر لیگ( پی ایس ایل) سیزن 9 کے 24 ویں میچ میں اسلام آباد یونائیٹڈ نے کراچی کنگز کو با آسانی 5 وکٹوں سے شکست دے کر 2 قیمتی پوائنٹ حاصل کرلیے۔
پنڈی اسٹیڈیم میں کھیلے گئے میچ میں اسلام آباد یونائیٹڈ کے کپتان شاداب خان نے ٹاس جیت کر کراچی کنگز کو پہلے بیٹنگ کی دعوت دی۔اسلام آباد یونائیٹڈ کی ٹیم میں آج 2 تبدیلیاں کی گئیں جبکہ کراچی کنگز نے آج کے میچ کے لیے اپنی ٹیم میں کوئی تبدیلی نہیں کی۔
کراچی کنگز نے پہلے کھیلتے ہوئے مقررہ 20 اوور میں 7وکٹ پر 150رنز بنائے۔کراچی کنگز کی جانب سے کیرون پولارڈ نے 39اور جیمز ونس نے 29رنز کی اننگز کھیلی، ٹم سیفرٹ نے26اور شان مسعود نے 10 رنز بنائے۔
ان کے علاوہ محمد نواز 5اور شعیب ملک ایک رن بناسکے، عرفان خان 16 رنز بنا کر آٹ ہوئے۔ اسلام آباد یونائیٹڈ کی جانب سے ٹائمل ملز نے 3 اور فہیم اشرف نے 2 کھلاڑیوں کو آٹ کیا، حنین شاہ اور عماد وسیم نے ایک ایک وکٹ حاصل کی۔
151 رنزکا ہدف اسلام آباد یونائیٹڈ نے با آسانی 19ویں اوور میں 5 وکٹوں کے نقصان پر حاصل کرلیا۔یونائیٹڈ کی جانب سے شاداب خان 34 اور آغا سلمان نے 33 رنزکی اننگز کھیلی، الیکس ہیلز 18،کولن منرو اور اعظم خان نے 9 ،9 رنز بنائے۔حیدر علی 26 اور فہیم اشرف 12 رنز کیساتھ ناقابل شکست رہے۔
کراچی کی جانب سے میر حمزہ نے 3 کھلاڑیوں کو آٹ کیا۔موزا ربانی اور زاہد محمود نے ایک ایک وکٹ حاصل کی۔