عوام رشوت مانگنے والے افسر کا سرپھاڑ دیں، وزیراعلی خیبر پختونخوا

ڈی آئی خان: وزیراعلی خیبرپختونخوا نے رشوت لینے والے افسر کے سر پر اینٹ مارنے کا مشورہ دے دیا۔ڈیرہ اسماعیل خان کے گاوں سید علیاں میں کارکنان سے خطاب کرتے ہوئے علی امین گنڈا پور نے کہا کہ رشوت لینے اور دینے والا دونوں دوزخی ہیں، رشوت مانگنے والے افسرکے سرپر اینٹ مارو اور نام میرا لو۔
انہوں نے کہا کہ مجھے کبھی شکایت نہ کریں کہ فلاں رشوت مانگ رہا ہے، رشوت مانگنے والے کے سرپراینٹ مارکر اس کے بیٹے کو کہو آپ کے والد کو جہنم سے بچایا ہے۔
وزیراعلی کے پی کا کہنا تھا کہ نہ خود جہنمی بنو اور نہ مجھے بنا لہذا عوام غیرت کرے اور رشوت خور کو موقع پر سزا دے۔