لاہور میں خاتون پولیس اہلکار کے قتل کا معمہ حل، ساتھی اہلکارکا ہولناک انکشاف

لاہور میں خاتون کانسٹیبل کو فائرنگ کرکے قتل کرنے والے پولیس اہلکار کو گرفتار کرلیا گیا ۔
پولیس کے مطابق ملزم فاروق کو اس کے گھر سے حراست میں لیا گیا , دوران تفتیش ملزم نے بیان دیا ہے کہ صومن کو پسند کرتاتھا دونوں کا تعلق کافی عرصہ سے تھا اوراب خاتون اہلکار شادی کسی اور سے کرنے جارہی تھی ۔ خاتون کو منانے کیلئے جائے وقوعہ تک لایا جہاں تلخ کلامی ہوئی اور پھر اس نے فائرنگ کردی ۔ پولیس کا کہنا ہے کہ ملزم کا تفصیلی بیان ریکارڈ کرلیا گیا ہے ۔ صومن کے قتل کے مقدمہ میں نامزد دیگر دو ملزمان کو بھی جلد گرفتار کرلیاجائے گا ۔