افغان مہاجرین کے قیام کی مدت میں توسیع کی منظوری

اسلام آباد: وفاقی حکومت نے پاکستان میں مقیم غیر قانونی تارکین سے متعلق اہم فیصلہ کرلیا۔
ذرائع کے مطابق وفاقی کابینہ نے 13 لاکھ غیر قانونی تارکین وطن کے قیام کی مدت میں توسیع کی منظوری دے دی ہے۔
ذرائع کا کہنا ہے کہ اقامتی کارڈ کے ثبوت میں توسیع کی منظوری وزارت سیفران کی سمری پر دی گئی، افغان مہاجرین کے قیام میں مارچ 2024 تک توسیع کی منظوری دی گئی ہے۔
ذرائع کا کہنا ہے کہ کابینہ ڈویژن نے اس سے قبل وزارت سیفران کی سمری اعتراض کے ساتھ واپس کر دی تھی تاہم افغانستان سے متعلقہ کوآرڈینیشن سیل کی سفارش پر غیر قانونی تارکین وطن کے قیام میں توسیع کا فیصلہ کیا گیا ۔
ذرائع کے مطابق پاکستان نے افغان حکومت کی درخواست پر افغان مہاجرین کے قیام کی مدت میں توسیع کی ہے۔