پرویز خٹک کا پی ٹی آئی پارلیمنٹرینز کی چیئرمین اور رکنیت سے استعفی

سابق وزیر دفاع پرویز خٹک نے پاکستان تحریک انصاف(پی ٹی آئی)پارلیمنٹرینز کی چیئرمین شپ اور رکنیت سے استعفی دے دیا۔
پرویز خٹک نے اپنا استعفی جنرل سیکرٹری کے ذریعے سینٹرل ایگزیکٹو کمیٹی کو جمع کرا دیا۔ انہوں نے پارٹی کی چیئرمین شپ اور رکنیت دونوں سے استعفی دے دیا۔
پرویز خٹک نے اپنے استعفے میں کہا ہے کہ وہ صحت کی خرابی کے باعث استعفی دے رہے ہیں اور صحت کی وجوہات کی بنا پر پارٹی کے لیے اپنی ذمہ داریاں پوری نہیں کر سکتے۔
پی ٹی آئی پارلیمنٹرینز کی سینٹرل ایگزیکٹو کمیٹی نے پرویز خٹک کا استعفی منظور کرلیا۔
واضح رہے کہ پرویز خٹک نے گزشتہ سال پاکستان تحریک انصاف سے علیحدگی اختیار کرتے ہوئے پی ٹی آئی پارلیمنٹرینز کے نام سے پارٹی بنائی تھی۔پرویز خٹک عام انتخابات میں اپنی نشستیں ہار گئے اور پی ٹی آئی پی خیبر پختونخوا میں دو نشستیں جیتنے میں کامیاب ہوئی ہے۔