حکومت خیبر پختونخوا نے بنوں شہر میں گزشتہ روز بے امنی کے خلاف ہونے والے شہریوں کے احتجاجی مارچ کے دوران فائرنگ اور بھگدڑ سے ایک شخص جاں بحق اور 23 زخمی ہونے کے معاملے کی تحقیقات کے لیے کمیشن بنانے کا اعلان کردیا جس کی رپورٹ پر ذمہ داران کے خلاف کارروائی کی جائے گی۔
خیبرپختونخوا کے مشیراطلاعات بیرسٹر سیف نے اپنے ایک بیان میں دعوی کیا کہ صوبائی حکومت کے بروقت اقدامات کی باعث بنوں میں صورتحال اب قابو میں ہے، وزیراعلی علی امین گنڈا پوربنوں صورت حال کی خود نگرانی کررہے ہیں۔
انہوں نے کہا کہ وزیر اعلی کی ہدایت پر انتظامیہ اور سماجی عمائدین پر مشتمل جرگہ تشکیل دیا گیا ہے، جرگے نے امن کی بحالی میں قابل تحسین کردار ادا کیا، وزیراعلی بنوں کی انتظامیہ اور ذمہ داران کے ساتھ مسلسل رابطے میں ہیں۔
ان کا کہنا تھا کہ سیاسی و سماجی عمائدین اورانتظامیہ پر مشتمل کمیٹی بھی تشکیل دی جارہی ہے،کمیٹی دیرپا امن اور آئندہ ایسے واقعات کے تدارک کے لیے لائحہ عمل تیار کرے گی۔
بیرسٹر سیف نے کہا کہ وزیراعلی نے واقعے کی شفاف تحقیقات کے لیے کمیشن بنانیکا بھی اعلان کیا ہے، کمیشن شفاف اورغیر جانبدارانہ تحقیقات کرکے رپورٹ پیش کرے گا۔
ترجمان خیبر پختونخوا نے کہا کہ کمیشن کی رپورٹ میں ذمہ داروں کی نشاندہی کی جائے گی اور ذمہ داران کے خلاف قانونی کارروائی کی جائے گی، رپورٹ کو پبلک کیا جائیگا۔
واضح رہے کہ گزشتہ روز بنوں میں احتجاجی مارچ کے دوران فائرنگ اور بھگدڑ سے ایک شخص جاں بحق اور 23 زخمی ہوگئے، واقعہ اس وقت پیش آیا تھا جب کہ ضلع بنوں میں بے امنی کے خلاف احتجاج کے لیے لوگ اسپورٹس کمپلکس کے مقام پر جمع ہو رہے تھے، زیادہ ترلوگ بھگدڑ سے زخمی ہوئے جب کہ بعض افراد کو گولیاں لگیں۔یہ واضح نہیں ہوسکا تھا کہ فائرنگ کس نے کی تھی جب کہ اس سلسلے میں سرکاری حکام نے بھی کوئی بیان جاری نہیں کیا تھا۔
شہر کے خلیفہ گل نواز ہسپتال کے ترجمان کے مطابق ایک لاش اور 23 زخمیوں کو طبی امداد کی فراہمی کے مرکز صحت منتقل کیا گیا تھا۔
اتوار, جون 1
تازہ ترین
- ہینان فری ٹریڈ پورٹ کی ترقی کے فرنٹ لائنز پر
- خوشحالی کی ایک میٹھی سڑک: چین اور چلی نے دنیا کے لیے چیری پائپ لائن کیسے بنائی
- چینی ای کامرس پلیٹ فارم برآمد کنندگان کو مقامی مارکیٹ میں داخل ہونے میں مدد کرتے ہیں۔
- ووہان اسٹارٹ اپ نے عالمی منڈیوں تک پہنچنے کے لیے ای کامرس میں تیزی لائی ہے۔
- سائنسی، تکنیکی اختراعات میں چین کی کامیابیوں کو ڈی کوڈ کرنا
- چین دنیا کی منصفانہ، جامع AI ترقی کو برقرار رکھتا ہے۔
- چین کی گرین پاور ٹریڈنگ میں تیزی آ رہی ہے۔
- لچکدار اور تیار: چینی برآمد کنندگان کس طرح عالمی تبدیلیوں کو نیویگیٹ کر رہے ہیں۔
- شمالی چین میں، سمارٹ کوئلے کی کان کنی میں مستقبل کی ایک جھلک
- چین عالمی سبز ترقی کو فروغ دینے میں ایک ثابت قدم اداکار ہے۔
- آرمی چیف اور وزیراعظم سے اپیل، جہاد کے تصور پر قوم کو متحد کریں: حافظ نعیم الرحمان
- پاکستان اور ترکیہ کے مفادات یکجا، خلافت موومنٹ میں آپ کا ساتھ تاریخی ہے: ترک سفیر