وزیراعلی پنجاب مریم نواز کا کہنا ہے کسی بھی محکمے کی فیصلہ سازی کیلئے ڈیٹا بہت اہم ہوتا ہے لیکن ہم انفارمیشن اور ڈیٹا کے بغیر ہی فیصلے کرتے ہیں، چاہتی ہوں ہمارے پاس درست ڈیٹا ہو تاکہ سوشل پروٹیکشن پروگرامز میں ٹیکس دہندگان کا پیسا ضائع نہ ہو۔
ایک تقریب سے خطاب کرتے ہوئے وزیراعلی پنجاب مریم نواز کا کہنا تھا مجھے شکایات آئیں کہ رمضان پیکج غریبوں کے بجائے وڈیروں تک پہنچ رہا ہے، مجھے اندازہ ہوا کہ ہمارے پاس تو ڈیٹا ہی نہیں ہے، پنجاب کی 13 کروڑ آبادی ہے لیکن پتا نہیں کتنی آبادی کس سوشیو اکنامک کیٹیگری میں ہے۔
انہوں نے کہا کہ بی آئی ایس پی کے ڈیٹا کو بھی اپ ڈیٹ کرنے کی ضرورت ہے، افسوس کسانوں سے متعلق بھی مستند ڈیٹا موجود نہیں ہے، بہت سے کسانوں نے ٹیکس سے بچنے کیلئے اپنی زمین کی12، 12 ایکڑ تقسیم کر کے رجسٹریاں کرائی ہوئی ہیں، معذور افراد سے متعلق بھی مستند ڈیٹا موجود نہیں ہے۔
ان کا کہنا تھا ہم اپنا گھر اسکیم شروع کرنے لگے ہیں لیکن مجھے نہیں پتا کہ پنجاب کے کتنے لوگوں کے پاس اپنے ذاتی گھر ہیں اور کتنے بے گھر ہیں، سمجھ نہیں آتی ہم معلومات اور ڈیٹا کے بغیر ہی فیصلے کیسے کر لیتے ہیں۔
مریم نواز نے کہا کہ بی آئی ایس پی کا ڈیٹا بھی اپڈیٹ کرنی کی ضرورت ہے، رجسٹریشن کا آغاز ہوگیا ہے، 25 لاکھ لوگوں کی رجسٹریشن ہوگئی ہے، اپنا گھر اسکیم شروع کرنے لگے ہیں، ڈیٹا اکٹھا کرنے سے حقداروں کا پتا چلا۔
مریم نواز نے کہا کہ فیصلہ سازی کیلئے ڈیٹا بہت اہم ہوتا ہے لیکن ہم انفارمیشن اور ڈیٹا کے بغیر ہی فیصلے کرتے ہیں، کوئی ٹارگٹڈ اپروچ نہیں ہے، میں چاہتی ہوں میرے پاس درست ڈیٹا ہو تاکہ ٹیکس دہندگان کا پیسا ضائع نہ ہو۔
ان کا کہنا تھا صوبے میں کرائم سے متعلق بھی ہمارے پاس صرف 15 کا ڈیٹا ہی موجود ہے، امید کرتی ہوں درست اور قابل بھروسہ ڈیٹا سامنے آئیگا جس کے مطابق فیصلے کریں گے۔
انہوں نے کہا کہ پنجاب کے بہت سے لوگ بجلی کے بل افورڈ نہیں کر سکتے، بجلی کے بل عوام کیلئے ایک بڑی مشکل بن گئے ہیں، لوگوں کی تنخواہ کا ایک بڑا حصہ بجلی کے بلوں کی مد میں چلا جاتا ہے، ایسے صارفین جن کے 500 یونٹ استعمال ہوتے ہیں ان کیلئے سولر سسٹم لا رہے ہیں، 45 لاکھ صارفین کے لیے سولر منصوبہ لا رہے ہیں۔
وزیر اعلی پنجاب کا کہنا تھا سوشیو اکنامک رجسٹری میں 5000 سے زیادہ رجسٹریشن سینٹرز بنائے گئے ہیں، رجسٹریشن کروانے سے لوگ سوشل پروٹیکشن پروگرامز کے حقدار ہوں گے، لوگ گھر بیٹھ کر بھی پورٹل پر خود کو رجسٹر کرا سکتے ہیں، امید ہے ایک سال میں درست ڈیٹا سامنے آ جائے گا جس کے مطابق مستحق لوگوں کو ریلیف دیں گے۔
اتوار, ستمبر 8
تازہ ترین
- سیکیورٹی فورسز کا قلات میں آپریشن، 2 دہشتگرد ہلاک
- اسلام آباد میں بغیر اجازت جلسے پر 3 سال قید ہوگی، صدر کے دستخط سے قانون بن گیا
- پشاور میراتھون ریس تقریب میں بدنظمی، نوجوان اسٹیج پر چڑھ گئے
- بانی پی ٹی آئی کا نائب کپتان ہوں، بھاگنے کا سوچ بھی نہیں سکتا: شاہ محمود
- سلمان خان نے دوران شوٹنگ پسلیاں ٹوٹنے کی تصدیق کردی
- تمام تر منصوبہ بندی مکمل کر لی ہے، سب ٹیمیں آئیں گی: چیئرمین پی سی بی
- لاہور میں گھریلو ملازمہ ماں بیٹی پر مالکن کا ڈنڈوں سے تشدد، دونوں اسپتال منتقل
- غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
- فیروز خان نے دوسری اہلیہ کو انسٹا سے ان فولو کردیا، ایک بار پھر علیحدگی کی افواہیں
- عمران خان نے نیب ترامیم فیصلے کے بعد 190 ملین پاؤنڈ کیس میں رعایت مانگ لی
- سندھ ہائیکورٹ نے اسسٹنٹ کمشنرز کیلئے 138ڈبل کیبن گاڑیوں کی خریداری روک دی
- یوم دفاع آج جوش و جذبے کے ساتھ منایا جائے گا، مرکزی تقریب جی ایچ کیو میں ہوگی