پنجاب کابینہ؛ انتخابی انتظامات اور سیکیورٹی کے لیے 4 ارب روپے کی منظوری

لاہور :پنجاب کابینہ نے 20 ارب روپے کے فنڈز جاری کرنے کی منظوری دے دی۔پنجاب کابینہ کا 36 واں اجلاس نگراں وزیراعلی پنجاب محسن نقوی کی زیر صدارت وزیراعلی آفس میں ہوا۔
محسن نقوی نے اجلاس سے اپنے خطاب میں کہا کہ تمام جماعتوں اور آزاد امیدواروں کو آزادانہ اور منصفانہ انتخابات کرانے کی اجازت ہوگی۔ صورتحال کی تصدیق ہو جائے گی۔
انہوں نے کہا کہ الیکشن کمیشن کے ضابطہ اخلاق کی روشنی میں تمام امیدواروں کو ریلیاں نکالنے، ڈور ٹو ڈور مہم چلانے اور بینرز اور پوسٹرز لگانے کی اجازت ہوگی۔ تمام جماعتوں کو برابری کا میدان فراہم کیا جائے گا۔آزادانہ اور شفاف الیکشن میری ذمہ داری ہے جسے ہر صورت میں پورا کروں گا، عام انتخابات کے پرامن اور آزادانہ ماحول میں انعقاد کو یقینی بنانے کے لیے الیکشن کمیشن سے مکمل تعاون کروں گا۔
کابینہ اجلاس میں 20 ارب روپے کے فنڈز کے اجرا کی منظوری دی گئی۔ عام انتخابات کے فول پروف انتظامات اور سیکیورٹی کے لیے 4 ارب 10 کروڑ روپے کی منظوری دی گئی۔ اجلاس میں اربوں روپے کے فنڈز کی منظوری دی گئی۔
لاہور، مناواں میں پنجاب کینسر کیئر ہسپتال کے قیام کے لیے 8 ارب روپے کی منظوری دی گئی۔ اجلاس کے دوران محسن نقوی نے بڑے اسپتالوں میں لیب ٹیسٹ کی فیس بڑھانے کی تجویز پر عمل درآمد روک دیا۔