اسلام آباد: آئی پی پی کے سربراہ علیم خان کی قومی اسمبلی کی نشست پر کامیابی کا نوٹیفکیشن اسلام آباد ہائی کورٹ میں چیلنج کر دیا گیا۔
پاکستان تحریک انصاف کے حمایت یافتہ آزاد امیدوار ایڈووکیٹ علی اعجاز بٹر کی جانب سے قومی اسمبلی کے حلقہ این اے 117 سے استحکام پاکستان پارٹی کے عبدالعلیم خان کی کامیابی کے نوٹیفکیشن کو اسلام آباد ہائی کورٹ میں چیلنج کر دیا گیا۔
ہائیکورٹ میں دائر درخواست میں استدعا کی گئی ہے کہ 9 فروری کو جاری کردہ فارم 47 کو کالعدم قرار دیا جائے اور 15 فروری کو جاری ہونے والے علیم خان کی کامیابی کا نوٹیفکیشن معطل کیا جائے۔
درخواست گزار نے عدالت سے استدعا کی کہ تمام امیدواروں کی موجودگی میں نتائج مرتب کرنے کا حکم جاری کیا جائے۔ عدالت الیکشن کمیشن اور ریٹرننگ افسر سے متعلقہ ریکارڈ بھی طلب کرے۔ درخواست میں الیکشن کمیشن، آر او اور دیگر امیدواروں کو بھی فریق بنایا گیا ہے۔
بعد ازاں درخواست پر سماعت ہوئی جس کی سماعت چیف جسٹس عامر فاروق کی سربراہی میں ہوئی۔ اعجاز بٹر کی جانب سے ایڈووکیٹ شہریار طارق عدالت میں پیش ہوئے۔
چیف جسٹس نے کہا کہ الیکشن کمیشن میں کیا زیر التوا ہے؟ جس پر وکیل شہریار طارق نے کہا کہ الیکشن کمیشن نے 14 فروری کو درخواست پر فیصلہ محفوظ کیا تھا جس کا تاحال اعلان نہیں کیا گیا۔ الیکشن کمیشن میں اسے ابھی تک سماعت کے لیے مقرر نہیں کیا گیا۔
عدالت نے جیتنے والے امیدوار علیم خان اور الیکشن کمیشن کو کل کے لیے نوٹس جاری کرتے ہوئے کیس کی سماعت کل تک ملتوی کردی۔
ہفتہ, جولائی 27
تازہ ترین
- پاکستان نے بھارتی وزیراعظم کے جنگجویانہ بیان کو مسترد کردیا
- عمران اور بشری بی بی کے وکلا کی عدم موجودگی، 190 ملین پاونڈ ریفرنس کی سماعت ملتوی
- باراک اوباما نے کملا ہیرس کی حمایت کا اعلان کردیا
- ویمنز ایشیا کپ: سری لنکا نے پاکستان کو شکست دیکر فائنل کیلئے کوالیفائی کرلیا
- تحریک انصاف نے مخصوص نشستوں کیلئے فہرستیں الیکشن کمیشن میں جمع کرا دیں
- نئے مالی سال کے مسلسل چوتھے ہفتے بھی مہنگائی میں اضافہ
- متھیرا نے خلیل الرحمان قمر کو رات میں ملاقاتیں نہ کرنے کا مشورہ دے دیا
- صدر آصف زرداری نے سپریم کورٹ میں ایڈہاک ججز کی تعیناتی کی منظوری دے دی
- عمان کے فاسٹ بولر نے شاہین آفریدی کا ورلڈ ریکارڈ توڑ ڈالا
- نیلی اور طاہر انجم کا واقعہ پری پلانڈ تھا، پولیس نے تشدد کے واقعے کا بھانڈا پھوڑ دیا
- سکیورٹی فورسز کی کارروائی، خوارجی دہشتگرد گل بہادر کا قریبی ساتھی جہنم واصل
- حکومت کی جماعت اسلامی کو مذاکرات کی پیشکش